Po e paramendojmë se si do të tingëllojë muzika kur bashkohen zërat e Linda Halimit dhe Ergin Odës.

Ergini dhe Linda së fundi kanë postuar një fotografi nga një organizim privat ku ata kanë kënduar së bashku.

Për KultPlus, Ergini – një bariton i njohur i cili prej kohësh jeton në Amerikë, ka treguar se bashkë me Linda Halimin do të jenë shumë shpejt në një koncert në Nju Jork të Amerikës.

“Po, një koncert do të realizohet në Nju Jork. Aty unë dhe Linda do të prezantohemi, në një koncert që do të organizohet nga fotografi Fadil Berisha. Kemi realizuar edhe një sesion fotografish bashkë, megjithatë nuk është se kemi incizuar ndonjë këngë bashkë. Është e mundur që do të interpretojmë një duet së bashku” ka treguar Oda.

https://www.youtube.com/watch?v=Ou63WBII2qk

Detajet e tjera janë lënë të fshehura për momentin, por diçka e mirë po pritet pasi edhe Linda edhe Ergini ka kohë që jetojnë në Amerikë dhe atje po e vazhdojnë karrierën e tyre.

Linda Halimin e kemi parë edhe si pjesëmarrëse të disa festivaleve në Kosovë e Shqipëri, ndërsa ajo shkëlqen edhe në këndimin e notave klasike. / KultPlus.com