E ardhmja, tema e këtij viti e festivalit DokuFest

4 Korrik, 2017 - 3:25 pm

Programi i plotë i filmave do të shpallet më 10 korrik 2017 në ueb faqen e festivalit.

Tema e së ardhmes do të theksohet në edicionin e ardhshëm të DokuFest, i cili organizohet nga data 04-12 gusht në Prizren, Kosovë.

Ky edicion i DokuFest premton një vështrim të guximshëm në pasiguritë dhe shpresat e së ardhmes përmes një kombinimi të programit të filmave, ekspozitave vizuele, masterklasave dhe bisedave të ndryshme, punëtorive bashkëpunuese, koncerteve muzikore si dhe paltformave për përdorimin e mediave dhe teknologjive të reja.

Ideja për temën e këtij edicioni erdhi sepse në vitet e fundit ka pasur lëvizje të mëdha nga qytetarë që përpiqen të kenë një zë më të fortë për të ardhmen e tyre. Programi ynë do të jetë një vështrim mes distopive dhe utopive, kufijve dhe çiltërsisë, frikës dhe dashurisë.
Programi i plotë i filmave do të shpallet më 10 korrik 2017 në ueb faqen e festivalit. / KultPlus.com

Të ngjajshme