Ka nisur në Hollivud një valë e skandaleve ku aktorët e njohur dalin të jenë ngacmues seksualë.

I radhës është Dustin Hoffman. Ai po akuzohet se ka ngacmuar seksualisht Anna Graham Hunter, shkrimtare.
Anna Graham Hunter thotë se gjatë xhirimit të filmit Death of a Salesman në vitin 1985, aktori i njohur e ka ngacmuar por edhe ka hyrë në një bisedë erotike dhe të pahijshme me të.

“Më ka prekur në vendet intime, ka flirtuar me mua, ka folur për marrëdhënie seksuale edhe kur kemi qenë bashkë në tryezë. Kam qenë pa fjalë, kam përfunduar duke qarë” tregon shkrimtarja për Hollywood Reporter.

Hoffman ka kërkuar falje nëse e ka lënduar shkrimtaren dhe aktoren me fjalë, vite më parë, duke thënë se gjestet e tij në atë kohë nuk reflektojnë mbi personalitetin e tij, shkruan KultPlus.

“Ai ishte një grabitqar, ndërsa unë isha preja e tij, një fëmijë për të” ka shtuar aktorja dhe shkrimtarja, dukshëm e indinjuar pasi e ka mbajtur për shumë kohë të fshehtë ngjarjen.

Javëve të fundit, Kevin Spacey, James Toback dhe Harvey Weinstein kanë qenë pjesë e skandaleve me ngacmime seksuale. / KultPlus.com