Filmi spanjoll ku luan edhe Lulzim Guhelli, premierë në Pogradec (VIDEO)

4 Korrik, 2017 - 3:04 pm

Ky film pritet të prezantohet në natën e fundit të Festivalit Ballkanik të Filmit dhe Kulinarisë në Pogradec, kurse Lulzim Guhelli luan rolin e priftit, shkruan KultPlus. Guhelli ka thënë për KultPlus se ky film pritet të prezantohet në shumë festivale evropiane dhe botërore.

“The Invocation of Enver Simaku”(Zgjimi i Enver Simakut) është filmi i metrazhit të gjatë me regji të regjisorit spanjoll Marco Lledó Escartín e që do të prezantohet në Festivalin Ballkanik të Filmit dhe Kulinarisë në Pogradec, premierë interne për publikun shqiptar. Dhe ky film që ka për skenarist e regjisor një spanjoll, por edhe producent po të Spanjës, boshtin e rrëfimit e ka të bazuar te populli shqiptar, sikurse që ka edhe shumicën e aktorëve që kanë formësuar këtë film.
Në këtë film me rolet e tyre luajnë aktorët: Margarita Xhepa, Tinka Kurti, Viktor Zhusti, Pirro Milkani, Ema Andrea, Laert Vasili, Lulzim Guhelli…
Aktori kosovar Lulzim Guhelli në një intervistë më të hershme për KultPlus pat treguar për xhirimet e këtij filmi që janë realizuar në Spanjë, sikurse që ka treguar për zhanrin e këtij filmi që është horror. Guhelli në këtë film bart rolin e një prifti i cili pat thënë se roli të cilin bart në këtë film është i Athanas Bakshevani. “Ai është një prift që aktivitetin e tij fetar e ka kryer në fshehtësi, gjatë kohës së sistemit komunist të Enver Hoxhës në Shqipëri. Përveç aktivitetit të tij si prift, ky dhe gjatë asaj kohe ka kryer ekzorcizëm në popullatë”, pat thënë Guhelli. Ky film pritet të prezantohet në natën e fundit të Festivalit Ballkanik të Filmit dhe Kulinarisë në Pogradec, më 8 korrik./KultPlus.com

Të ngjajshme