Hapet audicioni për filmin artistik të metrazhit të gjatë “Zgjoi”

24 Prill, 2018 - 2:03 pm

Filmi artistik i metrazhit të gjatë “Zgjoi” është në përgatitje për të zgjedhur aktorët që do të bartin rrëfimin e këtij filmi që është bazuar në një ngjarje të vërtetë, shkruan KultPlus.

Filmi është me regji të Blerta Bashollit dhe flet për Fahrinë, e cila kërkon burrin e saj të zhdukur gjatë luftës në Kosovë.

Kjo grua për të mbijetuar dhe për të siguruar mbijetesën për familjen e saj hapë një biznes në një zonë patriarkale, ku ambicia e saj për tu zhvilluar nuk shihet me sy të mirë. Punët bujqësore fillojnë ti ecin mbarë, pos bletëve që janë shumë kaotike dhe agresive ndaj saj. Në rrugëtimin e saj për të gjetur paqen me bletët, ajo fillon të gjejë edhe paqen me veten për të jetuar dhe mbijetuar në një situatë të re për të.

Dhe mu për këtë rrëfim tash është hapur thirrja për audicion për aktore femra për të gjitha moshat mbi 18 vjet, role këto që kërkohen për dhjetë role që flasin. Të gjithë të interesuarit mund të dërgojnë CV-itë e tyre në [email protected]./KultPlus.com