Sonte vjen edicioni i dytë i konkursit të poezisë KultStrofa

7 Shkurt, 2018 - 11:00 am

Më 7 SHKURT, e mërkurë, në ora 18:00 në Hamam Bar në Prishtinë, vjen edicioni i dytë i konkursit të poezisë, “KultStrofa”.

Ky edicion i cili mblodhi gjithsej 150 poezi nga Kosova, Shqipëria, Maqedonia, Mali i Zi dhe diaspora, nga juria profesionale Erenestina Gjergji Halili – kryetare e jurisë, Halil Matoshi – anëtar dhe Adil Olluri – anëtar, u zgjodhën 10 poezitë më të mira për këtë finale të madhe.

Emin Emini, Manjola Brahaj, Sibel Halimi, Erlind Sulko, Arjola Zadrima, Adem Gashi, Arlinda Guma, Liridon Mulaj, Brikenë Ceraja-Beka dhe Shkumbin Haxha janë dhjetë finalistët e këtij edicioni.

Finalistët do të lexojnë poezitë e tyre, ndërsa do të jetë një mundësi tjetër e njohjes mes adhuruesve të poezisë dhe letërsisë. Të dhjetë finalistët por edhe të dashuruarit pas poezisë dhe të tjerët konkurrentë të këtij edicioni janë të ftuar të bashkohen në këtë natë leximi poezish në kryeqytet.

Sponsor gjeneral i këtij edicioni është ProCreditBank, ndërsa sponsorë të tjerë janë Hamam Jazz Bar, Rockuzinë dhe Hotel Nartel.

Konkursin e organizon KULTPLUS – e para gazetë shqiptare online e dedikuar vetëm për art dhe kulturë./ KultPlus.com

Të ngjajshme