Ambientalistët kundër fishekzjarrëve në koncertin e Elvana Gjatës

Korrik 13, 2018 - 11:20 pm

Shumë fishekzjarrë ishin ndezur më 1 qershor të vitit të kaluar në një koncert të organizuar nga Banka Pro Credit.

Të shtunën mbrëma, nën organizimin e së njëjtës bankë në oborrin e Bibliotekës Kombëtare në Prishtinë, do të performojë këngëtarja Elvana Gjata.

Por, kundër ndezjes së fishekzjarrëve ka dalë iniciativa “Ta pastrojmë Kosovën”.

Drejtues të kësaj iniciative kërkojnë nga institucione shtetërore që të mos lejohet përsëritja e asaj që ndodhin vitin e kaluar, raporton KTV.

Madje, Hasanaj ka thënë se nëse institucionet nuk veprojnë, vullnetarët iniciativës do të ndërmarrin një aksion.

Në Pro Credit nuk kanë dhënë asnjë përgjigje për organizimin e tyre.

Përmes telefonit, zëdhënësja e Komunës së Prishtinës, Miranda Mullafazliu, ka thënë se leja për përdorimin e fishekzjarrëve nuk është përgjegjësi e tyre, por e Policisë dhe Ministrisë së Mjedisit.

Por, zëdhënësi i kësaj ministrie, Fadil Maxhuni, ka thënë se leja për organizime të tilla merret në komunë.

Në një përgjigje me shkrim, në Polici kanë thënë se organizatori me kohë ka kërkuar leje për sigurimin e mbarëvajtjes në aspektin e sigurisë.

Tutje, në përgjigjen e organeve të rendit thuhet se organizatori ka parashtruar kërkesë për shfrytëzimin e hapësirës në organet e Universitetit të Prishtinës dhe një tjetër për lejimin e përdorimit të fishekzjarrëve në Komunën e Prishtinës.

Të ngjajshme