Ngrihet për herë të dytë flamuri i Kosovës në Rusi (VIDEO)

30 Korrik, 2017 - 5:30 pm

Dje është mbajtur festivali muzikor “Evropa Plus”, në të cilin kanë performuar yjet botërore të muzikës.

Në mesin e tyre, kanë marrë pjesë edhe yjet e njohura shqiptare si Dua Lipa, Bebe Rexha e Arilena Ara, të cilat kanë bërë performanca të shkëlqyera.

Dua Lipa, përveç performancës, është shpërblyer edhe me një “pllakë ari” nga organizatorët e festivalit.

Performanca e Lipës është publikuar në kanalin YouTube dhe gjatë performancës, në publik shihet se ka pasur edhe kosovarë. Në këtë video, nga publiku shihet se një fans ka ngritur flamurin e Republikës së Kosovës dhe lirisht mund të themi se kjo është hera e dytë që flamuri kosovar ngrihet në Rusi.

Kujtojmë se për herë të parë, flamuri i Kosovës në Federatën Ruse u ngrit kur xhudistja Majlinda Kelmendi fitoi medaljen e Artë në Kampionatin Botëror të Xhudos, që u mbajt vitin e kaluar në Rusi, shkruan Koha.net.

Për ta vërtetuar këtë, shikoni videon më poshtë, saktësisht në minutën 01:02-03 sekonda./ KultPlus.com

Të ngjajshme