Këngëtarja me prejardhje nga Kosova, Rita Ora e cila me këngën e saj të fundit ‘Your Song’ arriti sukses të madh, po e shtyn për të dytën herë lansimin e albumit të saj të dytë, shkruan KultPlus.

Krijuesja e hitit ‘Hot Right Now’ fillimisht përmes një video të postuar në profilin e saj në Instagram, njoftoi se albumi i saj i dytë, i vonuar do të dalë më 17 nëntor të këtij viti, por të hënën në një bisedë live në Facebook, Rita tha se ka shumë gjasa që albumi i ri të lansohet në vitin 2018, shkruan‘Music News UK’, përcjellë KultPlus.

“Albumi im i ri do të vjen shumë shpejt. Dua të them në fillimin e vitit të ardhshëm. Por surprizat vinë apo jo?”, tha ajo, duke iu përgjigjur një fansi gjatë një sesioni pyetje – përgjigjeje .

Gjatë kësaj bisede në Facebook ajo zbuloi se në albumin e ri ka punuar me artistë të njohur, përfshirë Chris Martin, Julia Michaels dhe kompozitorin Justin Tranter. Ajo poashtu njoftoi edhe se do të bëjë një turne botëror. /KultPlus.com