Berati prapë në listën e qyteteve më të bukura në Evropë

Gusht 11, 2017 - 11:11 am

Kryeministri Edi Rama ka postuar mëngjesin e sotëm në “Facebook”, një shkrim të britanikes Telegraph që e ka renditur Beratin të dytin në listën e 30 qyteteve më të bukura në Europë.

Në shkrim veçohet lagja e vjetër e Beratit, Mangalemi, e cila është një Trashëgimi Botërore e Unesco-s.

“Mirëmëngjes dhe ju uroj një ditë të mbarë me këtë artikull të një prej mediave më të mëdha britanike, që e ka renditur Beratin të dytin në listën e 30 qyteteve më të bukura në Europë duke veçuar se: “Mangalem, lagjia e vjetër e qytetit të Beratit, ndodhet në brigjet e lumit Osum dhe është një Trashëgimi Botërore e Unesco-s. Në kohët mesjetare Berati ishte një qytet kufitar i Perandorisë Bizantine, siç dëshmon dhe kalaja e tij”, shkruan kryeministri Rama në postimin e tij.

Pos Beratit, në listë janë përfshirë edhe Kilkenny në Irlandë, Rovinj në Kroaci, qyteti Soglio në Zvicër dhe qytete tjera nga Qipro, Suedia e Sllovakia. / KultPlus.com

Të ngjajshme