Edhe logoja e re e dhjetë vjetorit të pavarësisë së Kosovës duket e ngjashme me logon e Bashkimit Demokratik për Integrim të publikuar për Kongresin Tematik që është mbajtur më 2015.

Numri një dhe gjashtë yjet janë krejtësisht të njëjta në të dyja logot, veçse asaj të dhjetëvjetorit të Pavarësisë i është shtuar edhe një zero si dhe harta e Kosovës, njofton Klan Kosova.

Logoja e parë e publikuar nga Presidenti Hashim Thaçi është anuluar ditë më parë, poashtu për shkak të ngjashmërive me një logo tjetër që gjendej në Gjermani. Pas ankesave të shumta ishte anuluar ajo logo për tu përzgjedhur logoja që është aktuale.