Jahjaga: Mbeta pa frymë me bukuritë e Grykës së Rugovës

Korrik 13, 2018 - 8:23 pm

“Përpos që mbeta pa frymë me bukuritë e Grykës së Rugovës, mbeta pa frymë edhe nga ky angazhim i jashtëzakonshëm sportiv në këtë rajon. Me ftesë të Balkan Natural Adventure sot u ngjita në Via Ferrata. Një përvojë e paharrueshme”

Këto fjalë i ka shkruar Presidentja Atifete Jahjaga në një postim në Facebook, derisa ka promovuar në mënyrën e saj atraksionin kulturor në Grykën e Rugovës.

Kanioni i Rugovës ose Gryka e Rugovës është një kanion afër Pejës në Perëndim të Kosovës, në Bjeshkët e Nemuna, në afërsi të kufirit me Malin e Zi. Me një gjatësi prej 25 km (16 mi) dhe thellësi prej 1,000 metra, Rugova konsiderohet të jetë një nga kanionët më të gjata dhe më të thella të Evropës.Ajo është krijuar nga erozioni ujit dhe tërheqja e akullnajave në Pejë. Lumbardhi i Pejës-Bistrica kalon përmes kanionit.

Jahjaga momentalisht po angazhohet më shumë me Fondacionin Jahjaga duke qëndruar kësisoj më larg politikës dhe më afër angazhimeve tjera që i kanë munguar. / KultPlus.com

Të ngjajshme