Trio Rona, grupi i nostalgjisë dhe emrave që u ngjitën në muzikë (VIDEO)

18 Korrik, 2017 - 1:28 pm

Grupi Rona mund të mos jetë emër fort i dëgjuar për gjeneratat më të reja, por gjeneratat e mesme e kujtojnë mirë grupin dhe pjesëmarrjet e tij në ish Jugosllavi.

Emra të ndryshëm të muzikës shqipe kanë parakaluar nëpër këtë grup, disa duke u larguar e disa duke u ngritur shkallëve të suksesit.

“Trio Rona” ishte një grup i krijuar në fillim të viteve tetëdhjetë nga Gili dhe Ilir Berani me të cilët këndonin edhe dy këngëtare, së pari Aida Baraku, pastaj Vlora Jonuzi.

Nisim ta kujtojmë grupin me paraqitjet në vitin 1987, një vit pas performancës së këngës “Unë pa ty” kur në grup ishin Aida Baraku, Gili dhe Ilir Berani.

Në vitin 1989, Trio Rona numëronte pjesëmarrje në Akordet e Kosovës dhe më pas në Festivalin Jugovizija asokohe në Jugosllavi. Në këtë të dytën, në Jugozivija, ata kënduan këngën e kompozuar nga Shefqet Hoxha- Sheki.

Këngët tjera janë edhe më të mira, secila prej tyre. “Djali nga Kina”, “Rajana”, “Llorellaj”, tregojnë për suksesin absolute që grupi kishte dikur, me këngëtarë që kaluan nëpër grup. Nga grupi secili vazhdoi me karrierë solo, ose me karrierë kompozitori, sikur Ilir Berani.


Të ngjajshme