Muaj: Shkurt 2019

Ish-ambasadori i OSBE-së në Kosovë, William Walker, ka rrëfyer për ndjesitë e tij sa herë që vjen në Kosovë e që nuk është se ndodhë rrallë herë.

“Siç mund ta paramendoni, ngjarjet rreth janarit të vitit 1999 ishin ndër çastet më emocionale të jetës time”.

“Për 20 vjetët e ardhshme, pas këtyre ngjarjeve, sa herë që vij këtu më kujtohet ajo kohë. Njerëzit ende duan të flasin me mua për atë kohë”

“Kam një lidhje emocionale me Kosovën, pa dyshim”.

Walker që konsiderohet si miku i madh i kosovarëve ka thënë në një intervistë ekskluzive në Info Magazine se ai përpiqet ta vizitojë Kosovën sa më shpesh, veçanërisht në përkujtimin e masakrës së Reçakut.

“Vij në Kosovë sa më shpesh që mundem. Kjo është hera e dytë që kam ardhur në Kosovë në vitin e fundit. Përpiqem gjithmonë që të vij në përkujtimin e masakrës së Reçakut por këtë vit nuk kam arritur që të vij dhe kjo më ka trishtuar shumë”.

“Ardhja për ta kremtuar Pavarësinë edhe kjo është një gjë shumë emocionale për mua”.

Nëna e Rita Orës nuk u është përmbajtur lotëve në emisionin “Loose Women” kur ka folur për betejën me kancerin.

Vera Sahatçiu, 55-vjeçare, ka bërë mastektomi pasi u diagnostikua me kancer të gjirit në vitin 2005.

Nëna e tre fëmijëve ishte vetëm 39-vjeçare kur filloi të kalonte nëpër rrugëtimin e “vështirë.

Vera ka folur për largimin nga Kosova dhe për karrierën e suksesshme si mjeke sa ishte në vendlindje.

Rita ishte vetëm një vjeçare kur u shpërngul në Londër me familjen e saj.

“Unë kisha kancer të gjirit në moshën 39-vjeçare dhe fëmijët ishin të vegjël. Djali kishte vetëm shtatë vjet”, ka thënë Vera.

“Ishte e vështirë kalimi në një vend tjetër dhe nuk dija të flisja anglisht. Në vendlindje isha mjeke dhe kisha karrierë të mrekullueshme”, ka shtuar nëna e këngëtares së famshme, Rita Ora.

“Udhëtimi që kisha ishte i vështirë. Në moshë të re, trajtimi shpesh është rigoroz dhe i tejzgjatur”, ka rrëfyer Vera për trajtimin kundër kancerit.

“Kur diagnostikohet më herët, trajtimi bëhet më i thellë dhe më i gjerë. Kisha kimioterapi, radioterapi dhe mastektomi. Më falni pasi ende e kam të vështirë të flas për këtë”, ka thënë ajo derisa nuk u është përmbajtur lotëve.

Adriatik Kelmendi është ndër gazetarët më të mirë në Kosovë.

Ndër vite, ai me profesionalizmin e tij ka arritur të krijojë një karrierë të bujshme në gazetari, si redaktor në Kohën Ditore dhe më pas në KTV.

Me datë 22 shkurt, në Qendrën Informative dhe Kulturore të Bashkimit Evropian në Prishtinë, Adriatik Kelmendi vjen në kuadër të ciklit ‘Inspirational Talks’ – Bisedat inspiruese.

Me fillim prej orës 18:00, Adriatiku do të ndajë me publikun tregimin e tij, se si arriti tërë këto vite të jetë një prej figurave kryesore televizive në Kosovë.

Ai sot është moderator dhe krijues i emisionit RUBIKON, një emision i njohur për trajtimin e temave të realitetit bazuar në mendim kritik dhe mysafirë të ndërtuar në fushat e tyre. / KultPlus.com

Salla e Universitetit të Prishtinës ku është mbajtur konsulta gjuhësore e Prishtinës më 1968 dhe ku është themeluar Seminari Ndërkombëtar më 1974, ka marrë emrin Idriz Ajeti, akademikut që vdiq më 13 shkurt të këtij viti, në moshën 102 vjeçare.

Kështu u tha në akademinë përkujtimore të Universitetit të Prishtinës “Hasan Prishtina” kushtuar akademikut Ajeti.

Profesori i shquar, Idriz Ajeti do të kujtohet përherë për angazhimin tij të palodhshëm deri në fund si anëtar i Akademisë së Shkencave dhe të Arteve të Kosovës dhe kryetar i saj në dy mandate si dhe anëtar nderi i Akademisë së Shkencave të Shqipërisë. / KultPlus.com

Shkollat franceze kanë vendosur të zëvendësojnë fjalët “nënë” dhe “baba” me “Prind 1” dhe “Prind 2” pas një ndryshimi në një ligj që u miratua në parlament këtë javë.

Konventa e re e emërtimit, ka për qëllim dhënien fund të diskriminimit ndaj prindërve të të njëjtit seks, por kritikët argumentojnë se ajo “dehumanizon” prindërimin dhe mund të çojë në përplasje se kush klasifikohet si “Prind 1”.

Amendamenti i miratuar të martën si pjesë e një plani më të gjerë për të ndërtuar një të ashtuquajtur “shkollë besimi”, gjithashtu do të zbatojë ndjekjen e detyrueshme të shkollës për të gjithë tre-vjeçarët.

“Ky ndryshim synon të thellojë në ligj, larmishmërinë e familjeve të fëmijëve në format administrative të paraqitura në shkollë”, tha Valerie Petit, deputete për partinë e shumicës REM të Presidentit Emmanuel Macron.

Propozimi për të eliminuar termat “nënë” dhe “baba” në favor të një gjuhe më përfshirëse, jo-specifike gjinore ka qenë një diskutim i debatuar që prej vitit 2013, para legalizimit të martesës së personave të të njëjtit seks./hashtag.al

“La Belle de L’Adriatique” mbërriti sot paradite në Durrës, duke hapur sezonin e turistëve me kroçera në qytetin bregdetar.

Anija me 134 turistë francezë në bord mbërriti nga ishulli i Korfuzit, ndërsa mësohet se gjatë fundjavës së kaluar ajo është ankoruar edhe në Sarandë dhe Vlorë.

Turistët e huaj përveç qendrave arkeologjike dhe historike të Durrësit do të vizitojnë sot edhe qytetin e Tiranës.

Kroçera me gjatësi 111 metra dhe me flamur belg do të ankorohet në Durrës edhe shtatë të shtuna radhazi. Ky është viti i tretë i lundrimit të kroçerës “La Belle de L’Adriatique” drejt Durësit.

Sezoni turistik në portin e Durrësit këtë vit ka nisur më shpejt dhe do të zgjasë mbi 9 muaj. Deri tani në APD është njoftuar mbërritja e 25 kroçerave dhe velierave turistike, të cilat do ta vizitojnë portin e Durrësit nga muaji shkurt deri në nëntor të këtij viti.