Është bërë e ditur se një grup miqsh nga Rajoni i Venetos janë nisur me biçikleta drejt Romës, për të falënduar zemrën e madhe të shqiptarëve.
Ky grup i apasionuar çiklistësh do të përshkojë rreth 1300 kilometra me etapa të ndryshme simbolike, për të falënderuar grupin shqiptar të mjekëve dhe infermierëve që shërbyen në spitalin e Brescias, gjatë emergjencës Covid 19.
Të dielën, më 23 gusht, në etapën finale, në Romë, ata do të priten në Qendrën Kombëtare Operative të Mbrojtjes Civile nga Kordinatori i Komitetit Teknino Shkencor i Qeverisë italiane për përballimin e infeksionit, Agostino Miozzo.
Grupi i çiklistëve do të finalizojë këtë tour solidariteti në selinë e Ambasadës së Shqipërisë, ku do të priten nga Ambasadorja Anila Bitri Lani, së cilës do t’i dorëzohet çmimi simbolik për kontributin e mjekëve, infermierëve dhe personelit sanitar shqiptar.
Etapa e parë 230 kilometra, qyteti i Brescias, në spitalin e të cilit dhanë ndihmën e pakursyer mjekët shqiptarë. /albinfo/ KultPlus.com
Historia e muzikës së mirëfilltë shqipe, numëron shumë këngëtarë e këngëtare që me zërin e tyre të veçantë dhe me tekstet e tyre poaq të veçanta, i dhanë jetë e frymë tjetër muzikës shqipe, shkruan KultPlus.
Ndër këta artistë, është edhe Shpresa Berisha, këngëtare e mirënjohur e muzikës popullore shqiptare, e cila gjatë karrierës së saj, vazhdimisht i këndoi dashurisë, mallit e vuajtjes, duke bërë kështu që të mbetet në kujtesën e artdashësve edhe sot e kësaj dite.
Pak e dijnë se përpos zërit të saj të veçantë, Shpresa Berisha, me prejardhje nga Suhareka, është femra e parë shqiptare që punoi si gjykatëse.
Këngët më të njohura të saj janë: “Për ty vuaj, për ty këndoj”, “Me lule t’beharit”, “Turtulleshë”, “Bukuroshja e lalës”, “M’ka marrë malli shpirt”, “Çohi djema shalone atin”, “Prizrenit”, “Po del hëna”, “Sy jeshile”, “Tjetërkund nuse” etj.
KultPlus ju sjell këngën e saj më të njohur, ”Të deshta me hakikat”, këngë kjo që vazhdon të dëgjohet akoma me ëndje nga adhuruesit e saj, e vazhdon të këndohet nga shumë artistë të tjerë.
Dr. Arlinda Pacolli, është njëra nga punonjëset shëndetësore e cila po kontribuon në luftën e Kosovës kundër pandemisë Covid19.
Arlinda Pacolli tashmë është është pjesë e rubrikës ‘Falem’nerës’ së KultPlus-it për promovimin publik të punëtorëve shëndetësor në Kosovë në shenjë vlerësimi dhe solidariteti për punën e tyre tash e sa muaj.
Për të gjithë njerëzit, Arlinda ka edhe një mesazh: Qëndroni në shtëpi duke ju përmbajtur rregullave, kujdesuni për veten dhe vetëm kështu do t’ia dalim dhe do kalojmë këtë sfidë!
KultPlus, edhe më tutje fton të gjithë punëtorët shëndetësor pa dallime dhe nga të gjitha vendbanimet të na i dërgojnë të dhënat e mëposhtme dhe ne do i publikojmë ato në faqen tonë në Facebook.
1.Emri dhe mbiemri: 2.Qyteti: 3.Një fotografi me uniformë mjekësore dhe të jetë fotografi profili 4.Një mesazh për qytetarët (E preferuar por jo e domsodoshme)
Ariana Kosova është shqiptarja që kandidon në zgjedhjet e ardhshme në Itali.
Ajo do të jetë kandidate për Komunën e Maçeratës dhe Rajonin Marke, duke përfaqësuar 55 qytete të provincës së Maçeratës.
Njëkohësisht, Ariana Kosova është presidente e Lidhjes së Mësuesve Shqiptarë në Itali. E lindur në Shqipëri, ajo kreu studimet në Shkenca Politike dhe Marrëdhënie Ndërkombëtare në Universitetin e Maçeratës.
“Zemra po më fluturonte nga gëzimi dhe nga emocionet kur sot pasdite tek hotel Passetto në Ankona lexohej kurrikulumi i çdo kandidati. “Ariana Kosova kandidate që përfaqëson provincën e Maceratës është lindur në Durrës Albania”, gazetarët, televizionet, duartrokitjet dhe vështrimet më shoqëronin ndërkohë që u ngrita në këmbë duke thënë: Grazie, Faleminderit. Kjo është fitorja e parë, përfaqësimi i kombit tim në institucionet më të larta shtetërore italiane. Fitorja nuk do t’ i përkasë Arianës, por çdo shqiptari të çdo treve të Shqipërisë”, është shprehur Ariana Kosova. /albinfo/ KultPlus.com
Ministria për Europën dhe Punët e Jashtme, në bashkëpunim me Ministrin e Shtetit për Diasporën, çdo vit të ri shkollor siguron mbështetje me tekste mësimore për fëmijët e diasporës shqiptare.
Për vitin shkollor 2020-2021, do të dërgohen 17 079 tekste drejt 21 shteteve të ndryshme të botës.
Konkretisht, dje u nisën tekstet drejt Gjermanisë, Zvicrës dhe Çekisë, ndërsa sot janë nisur tekstet drejt Belgjikës, Spanjës, Rumanisë, Francës dhe Turqisë, për të vijuar më tej me shtetet e tjera.
“Ndër kënaqësitë më të mëdha të punës sonë është ky moment i vitit! Duke u uruar të gjithë fëmijëve shqiptarë në diasporë, një vit të mbarë shkollor, dëshirojmë t’ju jemi pranë në mësimin e gjuhës amë, me shpresën që të kontribuojë në rritjen e dashurisë për atdheun”, thuhet në njoftimin për shtyp të MEPJ-së. / atsh/ KultPlus.com
Këshilli Drejtues i Teatrit “Adriana” në Ferizaj bashkë me menaxhmentin e institucionit të Teatrit dhe në konsultë me Drejtorinë e Kulturës, Rinisë dhe Sportit, pas analizës së situatës epidemiologjike në vend, shtrëngimit të masave mbrojtëse ndaj COVID-19 përmes së cilave ndalohen tubimet publike, rrjedhimisht edhe aktivitetet kulturore përkatësisht veprimtaria teatrore, mori vendim që të anulohet organizimi i edicionit jubilar të 50-të të Festivalit Mbarëkombëtar të Teatrove që mbahet pikërisht në këtë teatër.
Ky vendim, rrodhi nga diskutimi i gjatë mes anëtarëve të Këshillit Drejtues dhe menaxhmentit të Teatrit, padyshim me konsultën e përhershme edhe me institucionet lokale dhe ato shëndetësore, vendim ky i dhembshëm por i domosdoshëm kur mirëfilli dijmë se është pikërisht Festivali i Teatrove, kryengjarja kulturore e Ferizajt për vitin përkatës kalendarik.
Duke qenë e tillë, shtrëngohemi që edicionin jubilar, 50 vjetorin e Festivalit të Teatrove në Ferizaj ta shtyjmë për vitin e ardhshëm 2021, për ta përgatitur ashtu siç meriton, dinjitetshëm, me pjesëmarrjen e gjerë të publikut fantastik ferizajas dhe jo vetëm si dhe me mirëpritjen e trupave teatrore nga gjithë gjeografia shqiptare.
Teatri “Adriana” dhe Këshilli Drejtues shprehin keqardhjen para publikut, artdashësve, trupave teatrore, për këtë vendim të diktuar nga situata epidemiologjike në vend. / KultPlus.com
Basketbolli shqiptar së shpejti do të ketë ligën mbarëkombëtare. Për këtë gjë, sot Ministrja e Kulturës, Rinisë dhe Sportit, Vlora Dumoshi, ka pritur në takim krerët e Federatës së Basketbollit të Kosovës, të kryesuar nga Arben Fetahu.
Në këtë takim koordinues u diskutua për marrëveshjen që pritet të nënshkruhet mes Federatës së Basketbollit të Kosovës dhe asaj të Shqipërisë për themelimin e Ligës Mbarëkombëtare Shqiptare të Basketbollit, e cila mundëson zhvillimin e garave mes klubeve të Kosovës dhe Shqipërisë.
Kryetari Fetahu e njoftoi ministren Dumoshi se orientimisht në pjesën e parë të shtatorit marrëveshja pritet të nënshkruhet në Tiranë mes dy federatave në prezencën e ministreve homologe.
Po ashtu, kreu i FBK-së, Arben Fetahu, e informoi ministren edhe për problemet me të cilat po ballafaqohen basketbollistët dhe federata për shkak të pandemisë. Ai tha se po presin kur autoritetet do të lejojnë zhvillimin e stërvitjeve dhe garave nëpër palestra dhe menjëherë të fillojnë përgatitjet për sezonin e ri.
Nga ana e saj, Ministrja Dumoshi, u shpreh se mirëpret nismën për themelimin e Ligës Mbarëkombëtare dhe MKRS-ja është e gatshme që të mbështesë këtë ligë në bazë të kapaciteteve të mundshme të saj.
Po ashtu, ministrja tha se në koordinim me autoritetet përgjegjëse shtetërore, do të angazhohet që sa më shpejt që është e mundur të lejohet nisja e garave për sezonin e ri në basketboll.
Ministrja i informoi krerët e FBK-së edhe për mbështetjen që do të kenë basketbollistët nga fondi emergjent i MKRS-së, ku ata pritet të përfitojnë drejtpërsëdrejti. / KultPlus.com
Filmi ‘Exil’ i shumëvlerësuar nga kritikët dhe mediat gjermane, prej sot fillon të shfaqet në rrjetin e kinemave në Gjermani dhe Austri.
‘Exil’-i nga regjisori kosovar Visar Morina kishte premierën botërore në festivalin e madh të Sundance në SHBA, atë evropiane në Berlinale në shkurt të këtij viti, dhe së fundi rajonalen në Sarajevë ku Visar Morina i sapo shpërblyer nga magazina evropiane Cineuropa si regjisori më i mirë.
Filmi rrëfen tregimin e Xhaferit, një inxhinier i kimisë me origjinë nga Kosova, i cili ndjehet i diskriminuar dhe i ngacmuar në vendin e punës, gjë që e zhytë atë në krizë të identitetit.
“Exil”-i sjell një kastë briliante të aktorëve, si: Sandra Hüller, Mišel Matieviq, Astrit Kabashi, Valentina Dubovci, Flonja Kodheli, Getuart Hajrizaj, dhe Ameli Kabashi. / KultPlus.com
Vajzat e gratë shqiptare çdo ditë e më shumë po na bëjnë krenarë me punën e tyre që po then edhe kufijtë.
Së fundi, disejnatorja Lirika Matoshi, ka marrë vëmendjen e medieve më të mëdha në Amerikë, menjëherë pas VOGUE, New York Times i kushtoi një artikull Matoshit, koleksionit të saj, e sigurisht se u përmend edhe periudha e errët gjatë luftës së fundit në Kosovë dhe vuajtjet që Matoshi kishte kaluar gjatë kësaj kohe, shkruan KultPlus.
“Veshja është një re e ëmbëlsirave pambuku e zbukuruar me motive të luleshtrydheve nga Lirika Matoshi, 24 vjeçare, një stiliste në New York. Me mbulesën e saj ngjyrë rozë pastel dhe me mëngë të mbushura butësisht, duket si diçka që do të veshte Marie Antoinette nëse ajo do të ishte një influencuese e kohëve moderne”, fillon artikullin kushtuar Matoshit e përditshmja The New York Times.
Teksa shqiptarja ka prodhuar dizajnin origjinal të këtyre veshjeve, New York Times shkruan se si ka klientë që kanë ngelur të zhgënjyer nga veshjet imituese që kanë blerë në Amazon ose AliExpress.
Dizajnerja, Lirika Matoshi, tha se veshja bazohet në vetë kujtimet e saj të rinisë. “Kjo ju kujton kohë më të mira”, ka thënë ajo për gazetën njujorkeze. “Por Matoshi u rrit në Kosovë gjatë luftës, dhe fëmijëria e saj zor se ishte një gëzof apo një copë material me dizajn luleshtrydhe me erë të këndshme”, shkruan tutje NY Times.
‘Jam rritur me histori tmerri se sa dëme i bëri lufta vendit tonë, si gratë u dhunuan dhe u masakruan njerëz të pafajshëm’, tha ajo. ‘Ëndrra ime e vetme ishte që një ditë të udhëtoj dhe të përfaqësoj vendin tim dhe do t’i ndihmoj ata sa më shumë që mundem’.
Më tej, mediumi amerikan shkruan se stilistja Matoshi kishte pritur që shitjet e koleksionit të saj të binin për shkak të pandemisë; në vend të kësaj, tha ajo, shitjet janë rritur 1.000 për qind që kur koleksioni doli në shitje në janar në . ‘E gjithë jeta ime është kjo veshje’, tha ajo.
‘Është një siluetë kaq tërheqëse. Kjo e bën cilindo të duket si një zanë luleshtrydheje’, tha zonja Mayeur, e cila është një nga modelet që ka ekspozuar veshjet e Matoshit. ‘Të gjithë duken gjithmonë të lumtur kur e veshin një material të tillë’ / KultPlus.com
Presidenti i vendit Hashim Thaçi ka pritur sot Mozzik, i cili së fundi edhe ka lansuar albumin e tij, shkruan KultPlus.
Pikërisht ky album ka bërë që presidenti Thaçi ta takojë Mozzik, i cili edhe i ka dhuruar një kopje, kopje që ka dhuruar edhe për Kadri Veselin.
Mozzik është po këngëtari i cili së fundi ka tentuar të promovojë albumin e tij në qytete të ndryshme të Kosovës, duke krijuar kështu grumbullimin e shumë njerëzve në kohë pandemie, ku turi i këtij këngëtari është ndërprerë më pas nga Policia e Kosovës.
Se nëse do të duhej të pritej një këngëtar i tillë nga presidenti i vendit, duke u bazuar në tekstet e këtij këngëtari, KultPlus ju sjell tekstin e këngës Madonna, për të vlerësuar përmbajtjen e këtij teksti./ KultPlus.com
Madonna
Refreni:2x Flokt e bardha si madona dona dona Ajo pin korona rona rona I mban dy telefona fona fona Nuk i bohet von as ne oret e vona
U ta hongsha piii raki Deri sen sdi mo E ti ma honksh mu kaaa-tastrof U shit jam pi bro Nese fjala karakter per ty Jan veq tri shkronja Bad daddy e me mu nuk ka lojna Qa osht mu bo e din e bojna E per neser kurgjo s’lojna Ajo sa n’prishtin sa n’tiran ajo M’jep gji e thirri nan ajo Ni dit kesh ni dit kan ajo Mu m’zhvesh edhe m’lan Me to luj si llastik stik Thoba e saj si jastik stik E kom besnik e m’ka besnik snik Smbohet snitche kurr si bona snitch snitch
Refreni:2x Flokt e bardha si madona dona dona dona Ajo pin korona rona rona I mban dy telefona fona fona Nuk i bohet von as ne oret e vona
Kshyr me sy e so per ty Qa shoh me sy zine u kry Moj bjondin me syt e zi A e din sa shum ma kthej edhe une ty Ajo ulet n’karrik t’mbrapt spllifin sa ni kam E 10 gram C me shoqet kejt i ndan Ajo hin ku dush per mu ajo shan Nuk ja blej alltin se s’dihet edhe vran Pina ven Ose shkoj te ajo ose ajo n’banes tem Hini n’filma, tha kom qef me pas me ty dy djem Ja ktheva zemer kena plot djem Ikem kejt qeta qe po t’shkrujn ne instagram Holy shit, yo te quiero se une s’du dinnero Ziki A.K.A fratello T’kisha njek ton jeten Ta kishe pas emrin EURO € Po se ki
Refreni:2x Flokt e bardha si madona dona dona Ajo pin korona rona rona I mban dy telefona fona fona Nuk i bohet von as ne oret e vona.
Një-vjeçarja Azalea Elezaj pëlqen të vishet nga këmbët deri te koka e dizajnuar nga nëna e saj Auela Gilaj, 26 vjeçare. Por disa po e kritikojnë atë se “po ia shkatërron fëmijërinë”.
Suela nga Wandsworth, Londër ka hapur një faqe në rrjetin social Instagram për vajzën e saj pasi është fiksuar për ta veshur atë me rroba të dizajnuara nga vet ajo.
Ajo ka shpenzuar 5.330 funta për ta rregulluar gardërobën e Azaleas me brendet e modës si Gucci, Versace, Burberry dhe Givenchy, shkruan The Sun, transmeton KùltPlus.
Suela ka marrë disa reagime në postimet e saj, ku është kritikuar se ajo po e përdorë fëmijën e saj për famë dhe nuk do të duhej ta vishte atë në rroba aq të shtrenjta.
Në një bisedë ekskluzive, Suela e cila jeton me burrin e saj të vetpunësuar Fabian, tha se “Tentoj ta veshë Azalean si vishem vet, dhe ta bëjë atë të duket sikur unë”.
“Ajo është shumë e buzëqeshur, bebe e lumtur dhe i pëlqen të pozojë për fotografi, por ndonjëherë ajo nuk është në disponim. Frikohem se kur ajo të rritet nuk do të jetë e lumtur që unë e kam bërë gjithë këtë, por unë shpresoj se do të më falënderojë që jam duke tentuar ta bëjë më të mirën për të. Unë marr komente nga njerëzit se nuk duhet ta veshë në këtë mënyrë, por ajo është fëmija im dhe unë vendos vetë se si duhet ta vesh, prandaj edhe i fshi”.
Pavarësisht moshës së saj, faqja e Azaleas në Instagram ka më shumë se 13.000 ndjekës. / KultPlus.com
“Gratë e pamposhtura” është një projekt i lindur fillimisht, nga një listë me rreth 150 gra dhe vajza, të cilat sjellin inovative në Itali. Ato janë themeluese, menaxhere, aktiviste apo studiuese. Pra, gra që mund të jenë shembull dhe frymëzim për shumëkënd.
Me kalimin e kohës, “Gratë e pamposhtura” janë bërë një kolonë editoriale dhe një komunitet, prej rreth 2,000 grash e vajzash. StartupItalia ka publikuar listën e 150 “grave të pamposhtura” që po ndryshojnë Italinë, për vitin 2020.
Në listën e gjatë është edhe Anita Likmeta. Lindur në Durrës, Shqipëri, ajo u transferua në Itali me familjen, në moshën 11-vjeçare – së pari, në qytetin Pescara dhe më vonë në Romë, ku ndoqi akademinë “Corrado Pani”, shkruajnë mediet italiane.
Në vitin 2011, Likmeta u transferua në Paris, ku ajo do të zhvillojë esenë mbi historinë, me tezën nën drejtimin e profesorit Giancarlo Giordano, për marrëdhëniet midis Shqipërisë dhe Italisë, në periudhën nga 1922 deri në vitin 1943.
Gjithmonë në Paris, ajo njeh një realitet kulturor që solli bashkëdrejtimin e një dokumentari me drejtorin francez Kourtrajmé Mohamed Mazouz, ku edhe intervistoi kandidatin për çmimin “Nobel” në letërsi dhe bashkatdhetarin Ismail Kadare, artistin Kiki Picasso, artistin italian Tanino Liberatore, si dhe politikanin francez, Francois Asselineau.
Më 13 tetor të vitit 2013, gazeta “Il Fatto Quotidiano” boton një artikull të saj, ku Likmeta flet për udhëtimin që e solli atë në Itali dhe vizionin e saj në lidhje me politikat e imigracionit. Nga janari 2014, shkruan në “Huffington Post”. Nga prilli deri në gusht 2015, bashkëpunoi në faqen kulturore “IlGiornaleOff” të “Il Giornale”.
Likmeta është diplomuar për letërsi dhe filozofi, pranë Universitetit të Romës, “La Sapienza”. Ajo është historiane dhe filozofe, me pasionin për komunikimin dixhital. Merret me gazetari, film dokumentar, teksa njihet edhe si blogere, autore tekstesh etj.
“E pamposhtur”, Anita Likmeta, radhitet kështu mes 150 grave më të fuqishme, të cilat, po ndryshojnë shtetin fqinj, me vizionin dhe punën e çdonjërës. /Konica.al / KultPlus.com
Regjisori Visar Morina me filmin “Exil” është fituesi i çmimit të magazinës Cineuropa në kuadër të Festivalit të Sarajevës.
Cineuropa është magazinë e profesionistëve të kinemasë dhe filmit evropian, dhe ky çmim i jepet një filmi, që përveç cilësive të padiskutueshme artistike, promovon edhe idenë e dialogut dhe integrimit evropian.
Ndarja e çmimeve të partnerëve të festivalit të Sarajevës i paraprinë ndarjes së çmimeve kryesore që do të transmetohen live sonte duke filluar nga ora 20:10.
‘Exil’-i kishte premierën botërore në festivalin e madh të Sundance në SHBA, dhe atë evropiane në Berlinale në shkurt të këtij viti, ndërsa shfaqja në Sarajevë ishte premiera rajonale e filmit nga regjisori kosovar Visar Morina.
Filmi rrëfen tregimin e Xhaferit, një inxhinier i kimisë me origjinë nga Kosova, i cili ndjehet i diskriminuar dhe i ngacmuar në vendin e punës, gjë që e zhytë atë në krizë të identitetit. / KultPlus.com
Grece Ghanem nuk ka ndonjë profil modelesh. Por ka një stil të sajin, që ka bërë gjithë instagramin të fokusohet tek ajo. Mënyra se si i kombinon veshjet dhe aksesorët, me flokët e saj gri natyral, lëkurën paksa të nxirë nga dielli, na ka lënë të gjithëve gojëhapur.
Fustane të hapura, me rripa të hollë me çizme të zeza, vathë floriri të mëdhenj kombinuar me varëse dhe aksesorë dominant, janë pjesë e imazhit të saj.
Kombinon printe kafshësh, triko dhe pantallona bezhë. Me gjysëm çizme nga ato më në modë.
Për të përplasja e printeve me njëra-tjetrën, është must! Vesh xhaketa oversize, xhinse dhe këpucë të kuqe me takë.
Në vend të fustanit të zi të zakonshëm, preferon fund dhe këmishë me pika. Kombinuar me këpucë ngjyrë fildishi me pak takë.
Thotë se kjo është veshja e saj e preferuar! Kombinim që do t’ia kishin zili dhe blogeret 20 e ca vjeçare. Duket kaq bukur dhe casual!
Pardesytë nuk i ndan. I kombinon me xhinse dhe atlete me kuadrate.
Është intervistuar nga shumë revista për stilin e saj unik dhe personal. Madje e kanë quajtur “Mosha influencuese”.
Edhe pse ka flokë gri, nuk ka frikë nga ngjyrat pastel. Madje vesh kostume limon, dhe këpucë të bardha.
Grece mund t’ju japë një mësim të mirë stili të gjitha blogereve dhe influencueseve. Edhe pse nuk ka studjuar dizajn, di shumë mirë se si ta bëjë veshjen e saj të dallojë nga gjithë blogeret e tjera. Ky është një nga ato raste kur të huajt thonë “mosha është thjesht një numër”.
Instituti i Trashëgimisë Shpirtërore e Kulturorëve të Shqiptarëve në Maqedoni në bashkëpunim me Shoqatën për Kthimin e Shqiptarëve të Shpërngulur nga trojet e veta do të bëjnë promovimin e librit “Nga Gonxhe Bojaxhiu deri te Nënën Tereza – një sagë për jetën e shqiptarëve katolik të Shkupit”.
Në njoftimin e bërë nga ITSHK ky aktivitet do të mbahet për nderë të 110 vjetorit të lindjes së Nënës Terezë, pranë shtatores së saj në qytetin e Prishtinës me datën 26 Gusht, në ora 14:00. Po ashtu nëpërmjet këtij njoftimi bëhet e ditur se aktiviteti do të mbahet në bazë të udhëzimeve dhe rekomandimeve të IKSHPK me qëllim të parandalimit të përhapjes së virusit.
Anjezë Gonxhe Bojaxhiu e njohur si Nënë Tereza lindi në Shkup më 26 gusht të vitit 1910 dhe vdiq më 5 shtator 1997 në Kalkuta, (Indi), ishte humaniste e njohur shqiptare dhe fituese e çmimit Nobel për Paqe. / KultPlus.com
Trekëndësh dashurie i filluar në brigjet e detit të një dite të ngrohtë vere. Eva, dashnori i saj Bruno dhe bashkëshorti Mario, personazhe integruese, të ngjashëm, por edhe kundërthënës, përkojnë historinë e komedisë “Jo simfonia e 5-të po e 9-ta”, të autorit italian Aldo Nicolaj e që vjen e inskenuar me regji të Sevdije Ajetit, shkruan KultPlus.
Trekëndëshi i dashurisë mes Evës, Brunos dhe Marios shoqërohet me të papritura, aksidente që bëhen po në emër të dashurisë, me personazhe të pushtetshme, por edhe të pafuqishme. Si në çdo trekëndësh tjetër edhe në këtë komedi dikush është i tepërt. Kjo është vetëm një pjesë e rrugës që përbën shfaqjen “Jo simfonia e 5-të po e 9-ta” e cila do të zërë vend në tetarin e qytetit të Podujevës “Avdush Hasani”, e në të cilën luajnë aktorët Valina Muçolli, Muhamet Zeka dhe Besart Zeneli.
Regjisorja e kësaj shfaqjeje, Sevdije Ajeti në një intervistë për KultPlus ka shpalosur detajet, aktorët por edhe procesin e punës që po mundëson realizimin e shfaqjes.
Ajo ka treguar se provat për shfaqje ishin planifikuar që të fillojnë shumë më herët, por shkaku i pandemisë u ndërpre gjithçka, prandaj ekipa është vetëm në fazën e parë të përgatitjeve.
“Ne para pandemisë së bashku me ekipin veç se e kishim planifikuar që të fillojmë me provat e para të shfaqjes, por gjithçka u ndërpre pas raportimit për rastet e para të të infektuarve me koronavirus në Kosovë. Ne tani jemi në fazën e parë të provave të leximit duke përdorur të gjitha mundësitë e ruajtjes së shëndetit duke ruajtur distancën. Sigurisht se realizimi i kësaj shfaqjeje hap rrugë që të rikthehet jeta kulturore dhe teatrore”, ka deklaruar ajo.
Ajeti ka shtuar se ndonëse përpara ka një proces shumë të gjatë deri në realizim e plotë të shfaqjes “Jo simfonia e 5-të po e 9-ta”, planet janë që premiera e saj të jetë muajin e ardhshëm në teatrin e qytetit të Podujevës. / KultPlus.com
Historia e lëvizjes LGBT tashmë do të mësohet edhe në shkolla. Këtë vendim e ka marrë Skocia duke u bërë kështu vendi i parë në botë që e marr një hapë të tillë.
Zëvendës-kryeministri John Swinney në emër të të gjithë Kabinetit Qeveritar, ka njoftuar se qëllimi i këtij vendimi është edukimi i të gjithë stafit pedagogjik dhe studentëve për të përfshirë dhe respektuar diversitetin seksual dhe identitetin seksual si dhe një masë për të luftuar bullizmin
“Qëllimi është edukimi i të gjithë stafit pedagogjik dhe studentëve për të përfshirë dhe respektuar diversitetin seksual dhe identitetin seksual si dhe një masë për të luftuar bullizmin. Kjo do të jetë nisma e parë në rang botëror që do të synojë krijimin e brezave të rinjë të aftë për të luftuar homofobin”, ka thënë ai. / KultPlus.com
Dr. Luljeta Bela Blakqori nga Prishtina është njëra nga punëtoret shëndetësore e cila punon te transfuzioni i gjakut në QKUK në përballjen e Kosovës me Pandeminë COVID-19.
Luljeta Bela Blakqori tashmë është pjesë e rubrikës ‘Falem’nerës’ së KultPlus-it për promovimin publik të punëtorëve shëndetësor në Kosovë në shenjë vlerësimi dhe solidariteti për punën e tyre tash e sa muaj.
Për të gjithë njerëzit, Luljeta ka edhe një mesazh: Ne nuk lodhemi kurrë për ju, e ju kujdesuni për veten tuaj dhe për ne.
KultPlus, edhe më tutje fton të gjithë punëtorët shëndetësor pa dallime dhe nga të gjitha vendbanimet të na i dërgojnë të dhënat e mëposhtme dhe ne do i publikojmë ato në faqen tonë në Facebook.
1.Emri dhe mbiemri: 2.Qyteti: 3.Një fotografi me uniformë mjekësore dhe të jetë fotografi profili 4.Një mesazh për qytetarët (E preferuar por jo e domsodoshme)
Qeveria i kishte dhënë futbollit dritën e gjelbër të rikthehej duke e ndjekur një protokoll për mbrojtje nga Covid-19 dhe me një numër të kufizuar të personave të pranishëm në stadium gjatë ndeshjeve. Por, kjo nuk ka vlejtur edhe për aktivitetet kulturore të cilat janë pezulluar qysh në muajin mars, shkruan KultPlus.
Ky pezullim e ka detyruar regjisorin Ben Apolloni që të reagojë pikërisht për faktin e këtij diskriminimi që po i bëhet kulturës në vend.
Sipas tij, nëse ndeshjet sportive po luhen, pse të mos veprohet njëjtë edhe me teatrin. Ai tutje ka dhënë si alternativë shfaqjen e shfaqjeve në ekranet televizive.
“Nëse ndeshjet sportive po luhen me pak ose aspak publikë në salla, stadiume, pse të mos veprohet edhe me teatrin kështu? Si ndeshjet sportive që shfaqen direkt në TV, të shfaqen edhe shfaqjet teatrore. Sigurisht që më së miri është që ndeshjet sportive edhe shfaqjet teatrore të shikohen “live”, në vendin e ngjarjes, por as përmes ekranit nuk është keq. Kur ne nuk mund të shkojmë në teatër, teatri mund të vijë tek ne”, ka thënë Apolloni i cili tutje është shprehur se ne duhet të luftojmë ta mbrojmë edhe shpirtin, jo vetëm trupin.
“Ne, jemi duke luftuar me vdekjen, por edhe në këto momente të vështira, duhet ta kujtojmë Freddie Mercuryn, që po luftonte me AIDS, por që thërriste: “Shfaqjet duhet të vazhdojnë!” Ne duhet të luftojmë ta mbrojmë edhe shpirtin, jo vetëm trupin. E, arti është vaksina më e mirë për shpirtin”, ka thënë Apolloni. / KultPlus.com
Këngëtarja, Britney Spears, ka kërkuar nga gjykata që të mos ia kthejë babait të saj, Jamiet, të drejtën për të kontrolluar jetën dhe karrierën e saj. Babai i saj, Jamie Spears, ka qenë kujdestar ligjor i së bijës për 12 vjet me radhë, për shkak të problemeve që ajo kishte me shëndetin mendor.
Ai u tërhoq nga këto të drejta karshi të bijës, duke parë se aferat e saja personale janë qetësuar më 2019, teksa përmendi edhe problemet e veta shëndetësore.
Disa fansa të Spearsit besojnë se ajo kishte arritur marrëveshjen me forcë dhe për këtë arsye e kanë nisur fushatën “online” me hashtagun, #FreeBritney.
“Britney kundërshton fuqishëm kthimin e Jamesit, në rolin e kujdestarit të saj”, thuhet në dokumentet gjyqësore të dërguara në gjykatën Supreme të Kalifornisë në Los Angeles. Në këto dokumente sqarohej se këngëtarja kishte pranuar rolin e tij, i cili tha se “e ka shpëtuar nga një fundosje, shfrytëzim nga njerëzit grabitqarë dhe nga shkatërrimi financiar” dhe e ka bërë “në gjendje që të rimarrë pozicionin e saj si një këngëtare me famë botërore”.
Sidoqoftë, ajo do që menaxheri i saj, Jodi Montgomery, i cili ishte aty në mungesë të babait, të bëhet zëvendësimi i përhershëm i tij, në momentin kur hapet mundësia për ndryshimin e kujdestarisë më 22 gusht. Avokati i saj ka thënë se kishte pritur që James Spears do të kundërshtonte heqjen e të drejtave. Dokumenti bëri të ditur se Britney nuk ka plan që të performojë.
Ajo performoi për të fundit herë në tetor të vitit 2018, para se ta anulonte një koncert të planifikuar në vitin 2019, për shkak të gjendjes shëndetësore të babait të saj, duke u arsyetuar se familja vjen në rend të parë. Britney Spears nuk i ka kontrolluar shumë vendime financiare apo ato të karrierës që prej vitit 2008, për shkak të kësaj marrëveshjeje kujdestarie me të atin. Kujdestaria zbatohet zakonisht te individët të cilët nuk janë të aftë të marrin vendime vetë, siç janë rastet te të prekurit me demencie apo me sëmundje të tjera mendore.
Në vitet e fundit babai i saj dhe avokati ia kanë menaxhuar pasurinë dhe jetën personale – përfshirë edhe të drejtën për t’i lejuar vizitorët dhe për të komunikuar me mjekët rreth trajtimit të saj./ Koha.net / KultPlus.com
Ministrja e Kulturës, Rinisë dhe Sportit, Vlora Dumoshi, ka zhvilluar sot një takim me përfaqësues të komunitetit boshnjak të kryesuar nga Rasim Demiri, përfaqësues i koalicionit “Vakat”, njëherësh deputet në Kuvendin e Kosovës.
Qëllimi i takimit ishte mbështetja e MKRS-së për komunitetin boshnjak në Prizren e Dragash dhe për kërkesat dhe problemet që ballafaqohet ky komunitet në fushat që mbulon ministria, në anën tjetër.
Deputeti Demiri tha se shumë vendbanime të komunitetit boshnjak të këtyre dy komunave kanë mungesë të theksuar të infrastrukturës fizike kulturore e sportive. Ka fshatra ku banojnë komuniteti boshnjak që nuk kanë shtëpi të kulturës e terrene sportive dhe kërkoi nga ministrja Dumoshi që MKRS-ja të mbështesë financimin e projekteve që bëjnë të mundur këtë gjë.
Deputeti po ashtu konfirmoi se shoqëritë kulturore dhe të rinjtë e komunitetit boshnjak janë shumë aktiv dhe mbështetja që u ofrohet nga niveli lokal është i pamjaftueshëm andaj kërkojnë nga niveli qendror një mbështetje më të madhe.
Ministrja Dumoshi tha se MKRS-ja ka nënshkruar disa memorandume me Komunën e Prizrenit të cilat ua mundësojnë komunitetit boshnjak një mbështetje të MKRS-së. “Ministria e mbështet komunitetin boshnjak si një investime në projekte kapitale por edhe nëpërmjet subvencioneve. Për kërkesat që keni për fshatrat që të mbështeten më shumë, do të shikojmë bashkërisht mundësitë që për vitin e ardhshëm të planifikohet dhe të realizohet në gjë e këtillë”, sqaroi ministrja.
“Dera e ministrisë është e hapur për komunitetin boshnjak”, tha ndër të tjera ministrja Dumoshi, duke premtuar që shumë shpejtë do të vizitojë këtë komunitet në Prizren e Dragash. / KultPlus.com
Kur shkove ti, baba Buka u thye për gjysmë Dera u mbyll përgjithmonë Kulla përmbysë u kthye Unë në mes rrugë mbeta Pa diell Pa pranverë…
Kur shkove ti baba Iku edhe ëndrra e fundit E pa ëndërruar Nata këmbëkryq u ulë Në sofrën tonë Unë ngela në mes rrugë Duke të kërkuar Ty, në tërë botën Dhe gjerë në fund të vetes
Kur shkove ti, baba Ikën ylberet nga qielli im Edhe beharet ma nuk erdhën Si më parë Unë qava Unë të kërkova … Ti kur shkove, baba Nuk pate kohë as për lamtumirë
Hienat të shkërmoqën trupin Ti heshte… Edhe gëzimin e more me vete Thërrime e bëre fëmijërinë time Në pa kthim
Ti, kur shkove baba Unë ngela fillikat vetëm Mi theve krahët e jetës Fëmijët e mi erdhën më vonë Por ti nuk ishe Për ti pagëzuar Sa shumë kishe dëshirë Nipat ti përqafoje
Kur ti shkove, baba Askush më, nuk më solli libra Për ditëlindjet e vonuara Unë e Ti, baba
Ende nuk kishim folur shtruar Për ndeshtrashat që më kishin zënë pritën Asnjë kafe ende nuk e kishim pirë Asnjë çajë nuk e kishim qua deri në fund
Kur ti shkove, baba Bota për mua mori një tjetër pamje Me tri të panjohura E buzëqeshja përtonte Në fytyrën time
Kur ti, shkove baba Gjatë kohë e fsheha lotin Surrogat mu bë qeshja Somnambulë prej njeriu Ecja qytetit që heshtë
Vetëm heshtë Sa shumë të prita… Sa shumë rënkova
Kur shkove ti, baba Bota u përmbysë Lumenjtë shteruan Malet u djegën Apokalips
“Paris-presse” ka botuar, të dielën e 3 marsit 1968, në faqen n°10, një shkrim në lidhje me rolin e ri që do të luante asokohe Bekim Fehmiu në kinema, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar:
Jeta e Rubirosa-s bëhet film me Bekim Fehmiun, yllin e “Ciganëve të lumtur”
Jeta e diplomatit të njohur playboy Porfirio Rubirosa, i cili u vra në një aksident automobilistik në korrik të 1965, do të bëhet film i realizuar nga Leëis Gilbert (regjisori i “Jetojmë vetëm dy herë”, i fundit i James Bond-it).
Bekim Fehmiu, ylli i “Madje, kam takuar ciganë të lumtur” dhe i krahasuar si “Belmondo jugosllav”, do të luajë rolin e Rubirosa-s.
Skenari është i Jean Anouilh, bazuar në një roman të Harold Robbins me titull “The aventurers – Aventurierët”.
Charles Aznavour, Jean Sorel, Mireille Darc, Marie Dubois, Olga Georges – Picot do të jenë miqtë e Rubirosa-s.
Xhirimet do të fillojnë në shtator në Paris, Santo-Domingo, Neë York dhe Spanjë.
