Adem Dërmaku me “Dy sofra të bardha” pjesë e MAD-ës në Paris

14 Shtator, 2018 - 9:00 pm

14, 15 dhe 16 shtatori në Paris ndryshe do njihen edhe si “Multiple Art Days”, pasi që gjatë kësaj ditë mbahet edhe panairi i madh i artit, shkruan KultPlus.

Në MAD, do të prezantohet edhe artisti shqiptar Adem Dërmaku. Ai do të prezantohet me dy punime në tekniken e grafikës, titulluar “Dy Sofra të Bardha”.

“Dy punimet simbolizojnë traditën dhe mikpritjen shqiptare”, ka theksuar artisti.

Në MAD do të prezantohen rreth 80 galeri si dhe do të ketë edhe performanca të ndryshme nga artistë të cilët vijnë nga vende të ndryshme të botës. Disa nga artistët pjesëmarrës do të jenë edhe Nic Hess, Dauglas Gordon, Cećil Wick, Vreni Spieser, Henrich Sach. Kurator i Ekspozitës për Pavionin e Zvicrës, Galeri wolfsberg Verlag është Thomi wolfensberger.

MAD, një panair i rëndësishëm vjetor për botën e artit, do të paraqesë, gjatë një periudhe 3-ditore, një spektër të gjerë stilesh bashkëkohore. MDA është bashkë-kuruar nga Sylvie Boulanger, dhe Michael Woolworth. Hapësira ekspozuese prej 900 metra katror gjatë tri ditëve do të mirëpres vizitorët të cilët do të zbulojnë njëqind botues të artit ndërkombëtar dhe mijëra vepra arti dhe botime e performanca të ndryshme./ KultPlus.com

Të ngjajshme