Akademia e Animacionit Anibar ka njoftuar se ka hapur thirrjen për aplikim për gjeneraten e pestë.

Akademia e Animacionit ka për qëllim ofrimin e një programi të edukimit për ndërtimin e gjeneratës së re të animatorëve nga Kosova, duke i ekspozuar të rinjtë ndaj filmit të animuar si një formë e artit. Ky program shërben si program ekstra kurrikular për të interesuarit në animacion në Qytetin e Prishtinës dhe Pejës.

Programi do të zgjatë 6 muaj, përderisa studentët do të mësojnë gjashtë komponente të animacionit, duke përfshirë këtu:

Tregimi i animuar, Dizajni i animacionit, Parimet e animacionit, Bazat e Softuareve, Montimi dhe Editim i Zërit.

Për të aplikuar duhet dërguar një tregim me 5 ose më shumë vizatime (në formë të storyboard) në [email protected] si dhe porfolion me subjekt Aplikim për Akademinë e Animacionit.

Gjithashtu duhet të plotësohet forma në vegëzën e mëposhtme! https://forms.gle/9ZpgWKYsUabpjQPY6

Thirrja mbyllet me 15 Tetor 2021, në ora 00:00, ndërkaq aplikantët duhet të jenë së paku 16 vjeç. / KultPlus.com