Në orën 23 e 25, pas meshës së Atit  të Shenjtë, Papa  Francesco, në televisionin  RAI UNO, ndezën reflektorët përsëri mbi qytetin e  Cervinares, aty ku lindi historia e një prej skulptoreve më të mëdhenj në Evropë, Milotit, përcjell KultPlus.

Para 30 viteve, ai ishte një emigrant shqiptar i pritur nga një familje e Cervinares. Miloti ka studiuar ne Akademinë e Breres në Milano dhe sot i ka dhuruar qytetit te Cervinares një vepër monumentale, qe titullohet “çelësi i mikpritjes” e cila është vendosur në hyrje të qytetit.

Historia e artistit shqiptar, është konsideruar si shembull i shkëlqyer i mikpritjes qe mirëintegrohet ne mesazhin e Papa Francesco.

Ky emision prezantohet ne hapësirën e natës se Krishtlindjeve , mbi udhëtimin e kishës së Papà Francescos, nën drejtimin e Massimo Melone e Nikola Vicenti .

Artisti italo-shqiptar, Alfred Mirashi me emrin artistik Milot , i lindur në rrethin e Kurbinit , jeton me familjen e tij në Firenze. Nga viti 2017 është emëruar profesor në Universitetin “Art e Design” në Jinan , Shandong, Cina .

Veprat e tij sot ndodhen të ekspozuara në muzeun e artit modern “ARCOS” në Benevento./ KultPlus.com