Burrat nga Moska të cilët pëlqejnë të grimohen (FOTO)

18 Tetor, 2017 - 6:38 pm

Është vështirë të mbijetosh në Rusi nëse nuk je mashkull dhe burrë i mentalitetit rus.

Pra një burrë duhet të jetë “burrë në kuptimin e fjalës”, dhe mendimi se një djalë i ri a mashkull vë grim është e pabesueshme. Është e vështirë për tre të rinj të cilët tregojnë se si njerëzit në Moskë reagojnë kur shohin se ata pëlqejnë të grimohen.

Të rinjtë janë të guximshëm dhe këtë e tregojnë çdo ditë, duke jetuar në këtë mënyrë jetese në Moskën ku Putini ka angazhuar njerëz dhe politika kundër atyre që nuk i përshtaten ideve të tij.

Andrey, 20 vjeçar nga Moska, tregon se pëlqen të grimohet edhe kur del në rrugë.

“Gjithmonë e kam shikuar Party Monster dhe Drag Race nga Rupaul. Gjithmonë kam dashur që në fytyrën time të ketë ngjyra të ndryshme, dhe me ato ngjyra ashtu kam dashur të vallëzoj. Unë di më shumë për kozmetikën sesa plot njerëz rreth meje” tregon Andrey për Dazed.

Ai është në mesin e atyre meshkujve që sfidojnë ndërtimin shoqëror në Rusi.

Ai thotë se Rusia do të ndryshojë me kohën dhe njerëzit do ta kuptojnë se gjithkush ka të drejta ta jetojnë jetën e vet në mënyrën e tij a saj.

Gevorg është një djalë tjetër i cili tregoi se e dashuron Rusinë, shtetin e tij, me të metat dhe të mirat, por situata duhet të ndryshojë.

“Nëse ka më shumë njerëz si ne, që duan të jetojnë në këtë mënyrë dhe të bëjnë ç’të duan, do të ndodhë që Rusia të ndryshojë. Unë grimin e pëlqej dhe nuk dal nga shtëpia pa grim, pak ose shumë. Në çantën time e mbaj edhe një sprej me të cilin mund ta targetoj dikë nëse më sulmon ose provon të më bëjë diçka” tregon Gevorg, shkruan KultPlus.

Rusia është vend homofob, para së gjithash, ndërsa aktivistët e kanë çdo ditë e më të vështirë të mbijetojnë në një shtet ku politikat janë të tmerrshme. Në fillim të vitit, Çeçenia u akuzua se po i arreston dhe po i pushkaton pa arsye disa të rinj homoseksualë në këtë vend. / KultPlus.com

Të fundit

Të ngjajshme