Databaza online e muzeut Marubi, pasurohet me 10000 imazhe të reja

2 Tetor, 2018 - 10:45 pm

Në vijim të punës për arkivimin, katalogimin dhe dixhitalizimin e arkivës fotografike të Muzeut Kombëtar të Fotografisë “Marubi”, tashmë databaza online e muzeut sapo është pasuruar me 10000 imazhe të reja të periudhës ndërmjet viteve 1860 – 1950 të koleksionit të Marubëve.

Kjo bëhet e mundur edhe në kuadër të regjistrimit të të dhënave të fotografive në bazën e të dhënave shtetërore “Regjistri Kombëtar i Pasurive Kulturore” pranë Qendrës Kombëtare të Inventarizimit të Pasurive Kulturore, me qëllimin dokumentimin, ruajtjen dhe promovimin e kulturës dhe historisë së Shqipërisë përmes fotografive online.

“Ju bëjmë me dije se gjatë hulumtimit tuaj në www.marubi.gov.al, do të gjeni 6 fusha kërkimi ku kryeni kërkimin tuaj për fotografinë e interesuar. Gjithashtu ju informojmë se gjatë këtij kërkimi mund të haseni në ndonjë “gabim”, mbasi të gjitha të dhënat e fotografive janë kopjuar me përpikëri nga regjistrat origjinalë të fotografëve. Ndaj, nëse konstatoni raste të tilla, ju ftojmë të na i reklamoni ato për korrigjim në postën elektronike [email protected]”, thuhet në njoftim. /KultPlus.com

Të ngjajshme