Edon Muhaxheri hapë në Zvicër ekspozitën me alfabetin shqiptar të Naum Veqilharxhit

23 Nëntor, 2018 - 10:28 am

Në Cyrih të Zvicrës mbrëmë ëshë hapur një ekspozitë e veçantë.

Edon Muhaxheri, djali i ri i cili na bëri krenarë me projektin e tij me Alfabetin dhe Helvetikën Shqipe, ka hapur ekspozitë në Zvicër.

Në Galerinë e Artit Peyer, Muhaxheri ka sjellë Bredhin – Naum Bredhin, apo Naum Veqilharxhin, i cili ishte kundër çdo forme të dominimit ndërkombëtar në shqiptarë. Ai kësisoj kishte ardhur me idenë e një alfabeti unik për një gjuhë unike.

Në galeri gjithandej është shpalosur ky alfabet, alfabeti i harruar Vithkuq.

“U mahnita me kreativitetin e Naum Veqilharxhit. U shokova me faktin që askush nuk flet për këtë pasuri kombëtare. Fillova punën për identifikimin e shkronjave origjinale shqipe dhe zbërthimin e tyre në elemente tipografike – thjeshtëzimin deri në realizimin e tij përmes lëvizjeve më të thjeshta të dorës” tregon Muhaxheri.

Ekspozita e tij ka ardhur në Kosovë, më pas në Washington dhe tash edhe në Zvicër. / KultPlus.com

Të ngjajshme