Edon Shileku 21 vjeçar ka treguar sesi është larguar nga lokali “Traffic Gallery” me arsyetimin se nuk pranojnë persona që i takojnë komuniteti LGBT. Traffic Gallery është një kafene por edhe një galeri arti në qendër të Prishtinës.

Ishte nisur me miqtë e tij për të pirë një kafe në një nga lokalet në qendër të kryeqytetit të Kosovës, Prishtinë. Edon Shileku, 21 vjeçar dhe student i aktrimit, bashkë me një shok dhe dy shoqe kishin zgjedhur lokalin “Traffic Gallery”, që gjendet në rrugën “Qamil Hoxha” në Prishtinë, por kur kishin shkuar aty, kamerieri jo vetëm që nuk ia kishte shërbyer kafenë por me urdhër të pronarit të lokalit edhe i kishte larguar nga aty, me arsyetimin se “nuk i shërbejnë personave të komunitetit LGBT”.

Ai në një intervistë të dhënë për KosovaPress ka treguar në detaje ngjarjen dhe sesi janë larguar nga lokali “Traffic Gallery”.

Pronari i lokalit Burim Berisha nuk ka pranuar që të flasë para kamerave për KosovaPress mirëpo ka njoftuar se e gjithë kjo është një keqkuptim dhe ka për qëllim që të dëmtojë imazhin e lokalit edhe pse nuk ka mohuar largimin e Edonit dhe miqve të tij.

Në lidhje më këtë pati reaguar edhe një faqja e njohur si Dylberizimi e cila ka për qëllim që të ngrit vetëdijen e qytetarëve në lidhje me komunitetin LGBT.

Kafeneja Traffic Gallery e largon arsyetimin pse nxorri jashtë të rinjtë e komunitetit LGBT