Hapet në Madrid ekspozita lëvizëse ‘Aushvic’ (FOTO)

27 Nëntor, 2017 - 6:59 pm

Holokausti mbetet një prej episodeve më të tmerrshme që vetë njerëzimi i ka shkaktuar, dhe i ka lejuar.

m

Vrasja e miliona hebrenjve, nisur nga Gjermania dhe mbështetur nga plot shtete evropiane, edhe sot mohohet nga studiues e njerëz të ndryshëm, por megjithatë dokumentarët dhe pamjet tregojnë tmerrin që ndodhi në kampet e përqendrimit në mbarë Evropën.

Një ekspozitë do të përkujdeset që edhe njëherë qytetarët e Evropës të përballen me Holokaustin, një ngjarje që ka ndodhur as 100 vite më parë dhe është një prej tmerreve të modernitetit evropian, shkruan KultPlus.

Ekspozita “Auschwitz” u hap sonte në Madrid. “No hace mucho. No muy lejos” është koncepti i kësaj ekspozite. (Jo shumë kohë më parë, jo shumë larg prej nesh).

600 objekte po ekspozohen në 2500 metra katrorë në Arte Canal. Një pjesë e mirë e artefakteve do të ekspozohen për herë të parë, dhe u përkasin të shpëtuarve dhe viktimave nga Kampi i Aushvicit.

Në mesin e objekteve që do të ekspozohen janë edhe një vagon gjerman, model që u përdor për transportimin e ushtarëve e viktimave për në kampet e përqendrimit. Mbi 1.1 milion njerëz u vranë në Aushvic nga gjermanët.
Ekspozita do të qëndrojë e hapur në Madrid deri verën e ardhshme, ndërsa do të udhëtojë edhe në gjashtë qytete tjera në Evropë dhe në shtatë të tjera në Amerikën e Veriut. / KultPlus.com

Të fundit

Të ngjajshme