Ekspozitë me fotografi të realizuar nga Austin Tice, rrëmbyer gjashtë vite më parë në Siri

17 Gusht, 2018 - 11:30 pm

Klubi i Shtypit i Washingtonit organizoi një ekspozitë me fotografi të fotoreporterit amerikan, i cili u zhduk më 14 gusht 2012 në rajonin e Damaskut. Autoritetet amerikane po ofrojnë një shpërblim prej një milion dollarësh në këmbim të informacionit për ta gjetur atë, përcjellë KultPlus.

Një ekspozitë e fotografive të bëra nga fotoreporteri amerikane, Austin Tice, është hapur që nga e marta në Washington. Kanë kaluar gjashtë vite që nga rrëmbimit i Austinit në Siri në rrethana ende të paqarta.

“Është me të vërtetë e rëndësishme që njerëzit të shohin punën e gazetarëve që rrezikojnë jetën e tyre në zonat e konflikti”, tha Margaux Eëen, drejtor i Reporterëve pa Kufij për Amerikën e Veriut, shkruan Le Figaro. Kjo është një ekspozitë udhëtuese për të tërhequr vëmendjen në arrestimin e Austin Tice, 37 vjeç.

Pak informata ka që nga rrëmbimi i tij më 14 gusht 2012 pranë Damaskut. Gazetari i pavarur, i cili ka punuar për McClatchy News, Washington Post, CBS, Agence France-Presse, u shfaq në një video në shtator të vitit 2012. Por identiteti i rrëmbyesve të tij dhe vendndodhja e tij mbeten akoma të panjohura./ KultPlus.com

Të fundit

Të ngjajshme