EUICC të hënën sjellë ekspozitën “Fading under the sky” nga Rron Qena

12 Tetor, 2018 - 12:30 pm

Të hënën duke filluar nga ora 19:00 në hapësira e Qendës Informative dhe Kulturore të BE-së , do të hapet ekspozita “Duke u venitur nën qiell” nga Rron Qena, shkruan KultPlus.

Në këtë ekspozitë Rron Qena, do të prezantojë një seri pikturash të frymëzuara nga qyteti, qielli, atmosfera dhe rrethina, të transformuara në ngjyra të errëta dhe të lehta. Në perspektivën artistike të Qenës, vendi, qyteti dhe populli i tij ngadalë po veniten ndërsa qielli vazhdon të shkëlqejë.

Ngjyrat e zbehtë tregojnë ndjenjën e mbytjes nga problemet shoqërore dhe politike, apo nga ndërtesat klaustrofobike, ndërsa ajo që mbetet për njerëzit është bukuria e qiellit që mbizotëron me ngjyrat qetësuese dhe rezistencën e saj.

Rron Qena, ka lindur dhe është rritur në Prishitnë, si dhe deri më tani ka hapur disa ekspozita personale por edhe kolektive./ KultPlus.com

Të ngjajshme