Muzeu i Historisë Natyrore në Vjenë u tërbua pas censurës në internet që iu bë një imazhi të ‘Madonna e Willendorf’, një statujë paleolitike prej gati 30,000 vjetësh.

Të enjten, Facebook pranoi “gabimin”, dhe kështu politika e saj mbi lakuriqësinë bën një përjashtim për statujat, përcjell KultPlus.

Disa imazhe, madje 30.000 vjet të vjetra, mund të jenë tronditëse. Ky ishte të paktën mendimi i Facebook. ‘Venusi i Willendorf’, e konsideruar një kryevepër e artit paleolitik, ishte censuruar kohët e fundit dhe në rrjetin social.

Sot, më 1 mars, Facebook kërkoi falje: “Kërkojmë falje për këtë gabim dhe i kemi treguar reklamuesit se e miratojmë postimin e tij”, shkruan Le Figaro.

Figura e zhveshur dhe e gjallë e femrës, Venusi i Willendorfit, zbuluar në fshatin simbolik austriak në fillim të shekullit të 20-të, është “përfaqësimi parahistorik i gruas më popullore dhe më të njohur në botë”, tha muzeu me të drejtë.

Facebook tha të enjten se “politika e saj reklamuese nuk lejon lakuriqësinë apo lakuriqësinë e sugjeruar”. “Por ne bëjmë një përjashtim për statujat, dhe si e tillë duhet të miratohet ky postim”, thuhet në njoftim. / KultPlus.com