Konkurs për piktorë dhe skulptorë për shënimin e Vitit të Skënderbeut

10 Maj, 2018 - 3:20 pm

Ministria e Kulturës së Republikës së Kosovës, ka shpallë konkurs për mbështetje e te gjithë piktorëve dhe skulptorëve mbarëkombëtar, të cilët mund të shprehin idetë dhe kreativitetin e tyre artistik përmes pikturës dhe skulpturës, për nderë të shënimit të 550 vjetori të vdekjes së Heroit Kombëtar Gjergj Kastrioti Skënderbeu, shkruan KultPlus.

Konkursi ka karakter garues dhe shpërblyes me Çmimet e tri vendeve të para, si në pikturë ashtu edhe në skulpturë. Kriteret për konkurrim:

Piktura

1. Tema kryesore e punimeve është: 140 Vjetori i Lidhjes së Prizrenit.
2. Dimensioni i tablove të pikturave nuk duhet të jetë më i madh se 120cmX100cm
3. Pikturat duhen te jenë të punuara në këtë vit.

Skulptura

1. Tema kryesore është punimi i bucetave të skulpturës të tri figurave të Lidhjes së Prizrenit, të Ymer Prizrenit, Sylejman Vokshi dhe Avdyl Frashërit.
2. Kompozicioni struktural i bucetave nuk duhet të jetë më i lartë se 50 cm.
3. Bucetat e skulptura ve duhen te jenë të punuara në këtë vit. Çmimet shpërblyese për pikturat dhe bucatat e tri vendve të para do të jenë:

• Cmimi i parë: 500 €
• Cmimi i dytë: 300€
• Cmimi i tretë: 200 €

Përparësi për përkrahje do të kenë veprat artistike të cilat në përmbajtje e tyre reflektojnë me karakter:

• profesional, artistik, tematik dhe përmbajtjesor;
• stimulues, të cilat kanë për qëllim evidentimin e talenteve të reja me ide të veçanta kreative;
• tradicional, përmes të cilave do të promovoheshin vlerat kulturore mbarëkombëtare; • inovativ dhe kritik të cilat, me formën, përmbajtjen, frymën dhe mënyrën e realizimit të tyre, paraqesin risi për ambientin tonë krijues;

Përzgjedhja e veprave me te suksesshme do të bëhet nga Juria profesionale e SKQ-së Buceta e skulpturës e cila do të merr vendin e parë…ajo do ta fiton te drejtën qe te realizohet në Statujë të derdhur në bronz, në hapësirat e Kompleksit të Lidhjes së Prizrenit. (kriteret dhe kushtet për realizimin e saj, do të bëhet me marrëveshje paraprake në mes të autorit dhe Sekretariati i Komisionit Qeveritar. Punimet, duhen të dorëzohen me së largu deri me 31.05.2018 në Bibliotekën Kombëtare në Prishtinë, te Sekretariati i Komisionit Qeveritar./ KultPlus.com

Të ngjajshme