Kreatorja e njohur si Flora S ka prezantuar ditë më parë koleksionin e saj të ri. Një koleksion i cili pasqyron elegancën mbretërore, shkruan KultPlus.

Koleksioni i “Flora S ” dallohej për stilin e lartë që paraqiste dhe për pasqyrimin e denjë që i bënte elegancës mbretërore. Ky koleksion u prezantua të shtunën, më 18 gusht në solemnitetin e galas “White Night”.

Kostume të kualitet të lartë me ngjyrë perle-krem,ashtu siç ishte kodi i veshjes së mysafireve, kombinuara me kapela artistike të krijuara nga kreatorja Flora Suldashi, ishin elemente të këtij koleksioni. Kostumet ishin po ashtu të stilizuara me perla të ujerave të ëmbla dhe me kristale Swarovski.

“Ishte një mbrëmje e paharruar, një atmosferë impozante mbretërore dhe kam marrë komplimente të shumta. Kjo natë ishte e bukur edhe për arsye se menaxhmenti na kërkoi që brenda natës ta përsërisnim përsëri defilimin e modeleve pasi që publiku ishte pëlqyer shumë nga publiku”, tregoi kreatorja Flora Suldushi për KultPlus.

Sipas saj prezantim i këtij koleksioni ia ka hapur dyert edhe në shtresat e aristokracisë gjermane por edhe më gjerë.

Të pranishëm ishin më shumë se 500 mysafir të ftuar, ata të gjithë ishin të veshur me të bardha. Kjo ngjarje është përcjellë me vëmendje edhe nga mediat lokale si ZDF. “White Night” është organizuar nga “Royal Events” e baronit gjerman Heribert Reckenthäler dhe u mbajt në kështjellën e mirënjohur mijëvjeçare “Stromburg ” prone e prominentit Johan Lafer nën kornizat “HAUSPARTY”. /KultPlus.com