Performancë artistike e FEMEN që e thumbon Donald Trump (VIDEO)

5 Janar, 2018 - 6:56 pm

Një aktiviste nga grupi FEMEN sot ka realizuar intervenimin e saj të radhës, para Ambasadës së Shteteve të Bashkuara të Amerikës, në Ukrainë.

Aktivistja ka bartur me vete një pankartë ku shkruhet “nuclear football” ndërsa pati të shkruar fjalët “Mr Big Button” në gjoksin e saj. Të premten, aktivistja ishte e tëra e zhveshur.

FEMEN ka reaguar kësisoj pas fjalëve të rënda dhe diskursit plot urrejtje me të cilin i pari i ShBA-ve, Donald Trump, i drejtohet Kimg Jong-ut nga Korea e Veriut.

“Dua ti dërgoj të fala Donald Trump dhe sistemit të tij patriarkal. Matja mes dy liderëve duhet të marrë fund” ka thënë aktivistja pasi ka realizuar performancën e saj në të ftohtin e së premtes, shkruan RT.

FEMEN është themeluar në Ukrainë në vitin 2008 ndërsa gjithmonë realizon performanca e intervenime artistike rreth prostitucionit, të drejtave të grave dhe komunitetit LGBT, kundër fashizmit dhe mungesës së tolerancës ndërfetare. / KultPlus.com

Të fundit

Të ngjajshme