займ на карту онлайн потребительский кредит

Policia kufitare e Serbisë kontroll të detajuar pjesëmarrësve shqiptarë të “Mirëdita, Dobar dan”

Maj 29, 2019 - 8:29 am

“Mirëdita, Dobar dan!”, festivali që synon të thyejë barrierat Kosovë-Serbi, nis sot me aktivitete e tij që do t’i zhvillojë në Beograd, shkruan KultPlus.

Pjesëmarrësit në këtë festival janë nisur sot herët në mëngjes drejt Beogradit, por policia kufitare e Serbisë, është duke u bërë kontroll të detajuar pjesëmarrësve dhe mediave, për të parë nëse ka simbole të shtetit të Kosovës.

Hapja zyrtare e festivalit “Mirëdita, Dobar dan!” do të bëhet sot me shfaqjen e filmit “Cold November”, me regji të Ismet Sijarinës, film ky i cili është prezantuar në shumë festivale ndërkombëtare të filmit të cilat kanë rezultuar me dy çmime dhe tre nominime. Një ngjarje (event) e cila do t’i paraprijë hapjes do të jetë performanca artistike “Let’s make love” nga Shkumbin Tafilaj.

Qëllimi i festivalit është që përmes prezantimit të artistëve dhe performuesëve të cilët përfaqësojnë skenën kulturore e bashkëkohore të Kosovës të bashkojnë komunitetet shoqërore e kulturore të Kosovës dhe Serbisë dhe të krijohet një traditë bashkëpunimi, që do të kontribuojë në arritjen e një normalizim të qëndrueshëm të marrëdhënieve mes Kosovës dhe Serbisë.

Në anën tjetër, forumi Rinor i Partisë Demokratike të Serbisë në opozitë, mbajti dje në Beograd një protestë për të kundërshtuar mbajtjen e festivalit “Mirëdita, Dobar dan!”. / KultPlus.com

Të ngjajshme