Me datën 2 Korrik 2025, nga ora 18:00 deri në 20:00, hapet në betahaus HafenCity ekspozita e re e artistit të njohur multimedial dhe koncepcionist Shuk Orani, “Die Syntax der Stille”. 

Kjo ekspozitë nuk është thjesht një shfaqje e veprave artistike – por një eksperiment estetik dhe konceptual. Në vend që të vendosen në korniza të bardha sterile, punimet e Oranit integrohen në hapësirë, duke sfiduar kufijtë mes funksionit dhe ndjesisë. 

Me një qasje radikale ndaj integrimit të artit në mjedise të përditshme, Orani sjell një ndërhyrje poetike dhe të mprehtë në atmosferën e betahaus HafenCity. Projektime, piktura dhe struktura skulpturore bëhen pjesë e një “sistemi të hapur”, ku çdo vepër nuk është e përfunduar, por në zhvillim – një sinjal i përhershëm që provokon mendimin dhe ndjeshmërinë. 

“Kjo nuk është dekor – kjo është një frekuencë që rezonon me hapësirën,” thotë Orani. “Nëse vendi ka një sistem operativ, atëherë arti mund ta rihartojë. ”Ekspozita “Die Syntax der Stille” është pjesë e një serie ndërhyrjesh që synojnë të krijojnë dialog mes artit bashkëkohor dhe mjediseve të punës, komunitetit dhe teknologjisë urbane – me Hamburgun si laborator kreativ. / KultPlus.com