Ekspozita e tij me fotografitë nga lufta e fundit në Kosovë është e bukur, por edhe e tmerrshme. Mizoritë serbe janë në secilën fotografi e cila dëshmon vuajtjen e shqiptarëve dhe luftën e gjenocidin e bërë nga serbët.

Fotografitë e Wade Goddard kësisoj do të jenë pjesë e një libri – “The Kosovo War” apo Lufta e Kosovës.

Goddard, 49 vjeçar, ishte njëri prej fotografëve ndërkombëtarë që e përcolli luftën në Kosovë. Libri i tij do të botohet me rastin e 20-të vjetorit të fillimit të luftës së përgjakshme në Kosovë.

Goddard është i njohur me tmerrin dhe vrasjet e masakrat, pasi e ka përcjellë edhe një pjesë të luftës në Sarajevë.
Goddard sot jeton në Dubrovnik, atje ku deri në fund të tetorit është e hapur ekspozita e tij me fotografitë nga lufta e fundit në Kosovë.

Këto janë disa prej fotografive që janë të përfshira në këtë libër që mbetet si dokumentim tjetër i gjenocidit dhe luftës që shqiptarët e përjetuan jo shumë kohë më parë nga forcat serbe. / KultPlus.com