UBT nesër sjellë ekspozitën ndërkombëtarë të Arkitekturës në Muzeun e Kosovës

12 Korrik, 2018 - 10:00 pm

Fakultetit i Arkitekturës dhe Planifikimit Hapësinor në UBT, nesër do të sjellë ekspozitën ndërkombëtare të Arkitekturës duke filluar në ora 19:00, shkruan KultPlus.

Kjo është hera e pare që organizohet një ekspozitë e këtij formati në Kosovë dhe rajon. Ekspozita ndërkombëtare nga Fakulteti i Arkitekturës dhe Planifikimit Hapësinor ne UBT do të shpalosë punime të studentëve të arkitekturës me disa shkolla partnere. Ekspozita ka për qëllim që t’i pasqyroj qasjet që kanë shkollat e ndryshme në fushën e Arkitekturës dhe që të ofroj studentëve, stafit akademik dhe komuniteti të arkitektëve një ekspozitë mjaft atraktive dhe krahasuese.

Ekspozita ka edhe karakter te promovimit të shkollave të ndryshme të Arkitekturës jashtë Kosovës dhe gjithashtu një njohje e vlerave që gjeneron Kosova dhe sistemi i saj i edukimit.

UBT përmes kësaj ekspozite synon ta pozicionoj Fakultetin e Arkitekturës, programin studimor dhe vet shtetin e Kosovës në një fazë të njohjes së vlerave dhe integrimit në shoqëritë e zhvilluara dhe me përvojë akademike.
Ekspozita do të hapet nesër nga ora 19:00 në Muzeun e Kosovës./ KultPlus.com

Të fundit

Të ngjajshme