Visar Mulliqi sjellë ekspozitën ‘100% Original’

Prill 19, 2018 - 10:15 am

Artisti Visar Mulliqi do të hapë ekspozitën e tij të radhës në Galerinë e Fakultetit të Arteve. Ekspozita e titulluar “100% Original” është kuruar nga Zeni Ballazhi, shkruan KultPlus.

Në krijimtarinë e piktorit Visar Mulliqi paraqitet një pikturë ekspresioniste figurative e dimensioneve të ndryshme me një fuqi emocionale të figurës dhe formave të pastra estetike.

“Pikturat e Visar Mulliqit plotësojnë lidhshmërinë tek njëra-tjetra, sigurojnë një dimension ekspresionist, e që ngrit shikueshmërinë dhe kënaqësinë tek publiku. Këto piktura për nga vlerat e tyre, justifikojnë plotësisht interesimin dhe vlerësimin e lartë të profesionistëve dhe artdashësve të shumtë, si dhe nga vetë piktori i cili i koncepton si “100% Origjinale”, thuhet në njoftim.

Ekspozita e artistit Visar Mulliqi do të hapet më 26 prill në ora 19:00, në Galerinë e Fakultetit të Arteve në Prishtinë./ KultPlus.com

Të ngjajshme