Të njëjtat çizme me të cilat Monika Kryemadhi deshi ta godiste Edi Ramën javën e kaluar, janë bërë arsye për një humanizëm të radhës.

Kryemadhi i ka shitur këto çizme dhjetë herë më shumë sesa çmimi i blerjes, dhe këtë gjë e ka bërë për bamirësi.
Nuk dihet kush i ka blerë, por kryetarja e LSI-së ka treguar tek Zonë e Lirë se të ardhurat do të shkojnë për fëmijët në Shtëpinë e Fëmijës 0-6 vjec në Sauk.

“Ato çizme kushtonin 120 mijë lek të vjetra. Nuk e meriton Rama ta godas me të shtrenjta” ka treguar mes tjerash Kryemadhi.

Po bëhet çdoherë e më e shpeshtë që personazhet e njohura për shqiptarët të mund të bëjnë bamirësi, madje edhe duke shitur diçka nga rrobat e tyre. / KultPlus.com