займ на карту онлайн потребительский кредит

“Xixëllonjat” i këndojnë Pavarësisë së Kosovës

Shkurt 17, 2018 - 6:30 pm

Në sheshin “Zahir Pajazit” sot për nder 10-të vjetorit të Pavarësisë së Kosovës është ngjitur për të kënduar edhe grupi artistik për fëmijë” Xixëllonjat”, shkruan KultPlus.

Grupi artistik i fëmijëve “Xixëllonjat” i cili këtë vit do të festojë 20-vjetorin e themelimit, këndoi para publikut këngë të ndryshme, e disa prej tyre kushtuar edhe Kosovës. KultPlus ju sjellë fotografi dhe video nga kjo përformancë e fëmijëve.

“Na lejoni ne të flasim, do këndojmë nuk do bërtasim, ne fëmijët mirë e dijmë si ta gëzojmë pavarësinë”, ishin vargjet që kumbuan sot në shesh , pikërisht nga fëmijët e grupi artistik ”Xixëllonjat”, nën dirigjimin e Drita Rudit.
“O moj lule kuqe, mu në mes të drurit kush ta ka dhuruar ngjyrën e flamurit, o moj lule kuqe mu në mes të drurit kush ta ka dhuruar ngjyrën e flamurit. Ngjyrën e flamurit na e fali bota e jonë se në mes të drurit rritem unë gjithmonë”, vazhdonin tutje të këndonin të vegjlit nga grupi artistik për fëmijë “xixëllonjat”

“Jam një çikë çapkënë, e dua këngën shumë, nga shoqet e mia thonë nuk ka si unë, nga ëndërrat e mia njërën do të veçojë, këngën tonë kombëtare shumë e fantazoj, njërën ja thash mamit, folëm, biseduam, pastaj erdhi babi oh sa u gëzua, u vendos kjo punë, shpejt do të konkurrosh, ti je këngëtare, të gjithë do i gëzosh”, vazhdoi tutje kënga tjetër.

Drita Rudi, themeluese e grupit “Xixëllonja”, ka thënë për KultPlus se ndihet mirë që puna e saj po prezantohet në ngjarjet më të rëndësishme shtetërore. “Puna dhe përkushtimi ynë me Xixëllonjat ka bërë që prezantohemi në ngjarjet më të rëndësishme, por një meritë të madhe kanë edhe xixat e vogla, të cilat janë të rregullta me provat e tyre, e padyshim nuk mungon më pas edhe suksesi”, ka thënë Rudi. /KultPlus.com

Të ngjajshme