Sot 99 vite më parë, më 6 janar 1920 u lind në Shkodër, Sandër Prosi, ndër personalitetet më të rëndësishme të artit skenik shqiptar.

Rolet e tij janë gravura e qëndisur me fije shpirti.

Dhaskal Todri dhe Ismail Qemali s’mund të përsëriten më, por ne jemi të pasur pasi Sandër Prosi na i ka skalitur në dublat e filmave këto figura.

Kinematografia shqiptare pa shumësinë e personazheve të Prosit, pa lojën e tij do të kishte mangët një nga gurët e mozaikut të saj përfaqësues.

Tek ai fjala shqipe ishte më e bukur, më e ëmbël, sepse kumbimi i atij timbri do të betet një melodi adhurimi.