Momentalisht, seriali “La Casa De Papel” është seriali më i shikuar në platformën Netflix në gjuhën spanjolle.

Seriali i famshëm që merret me një grup të rinjsh që marrin pengje brenda një Banke të madhe në Spanjë po merr zemrat e njerëzve kudo nëpër botë.

Madje më interesant është fakti se në këtë serial, në një prej roleve kryesore është edhe një aktor serb. Me prejardhje nga Kladova e Serbisë, Darko Peric luan rolin e Helsinkit.

Secili personazh ka një emër të një qyteti: Moska, Tokio, Berlin, Rio…

Darko është aktor i cili prej vitesh jeton në Barcelonë. Rolet e tij tjera kanë qenë të vogla në krahasim me rolin në “La Casa de Papel”, shkruan KultPlus.

“Aktrimin e kam nisur kur isha 14 vjeç. Më pas nisën luftërat dhe ëndrrat e mia mbetën në gjysmë, derisa më vonë vendosa të largohesha nga Ballkani. Ndalesa ime e parë ishte Berlini, më pas Barcelona ku edhe mbeta” tregon aktori Peric.

“Për mua ky serial është një master. E meqë është edhe një prej serialeve momentalisht më të shikuara, më ka dhënë mundësi të reja dhe shikueshmëri në karrierën time” tregon Peric.

Ai ka luajtur edhe në “Ahora o Nunca”, “A perfect day”, “Kamikaze” dhe në projekte tjera ndërsa për ata që duan ta njohin më shumë, duhet ta përcjellin “La Casa de Papel”. / KultPlus.com