Anthony Hopkins: Nuk kam pritur të fitoj ‘Oscar’, ndjehem i privilegjuar

26 Prill, 2021 - 12:02 pm

Anthony Hokpinks, mbrëmë fitoi çmimin e Aktorit më të Mirë në ceremoninë e ndarjes së çmimeve ‘Oscar’, përcjell KultPlus.

Hopkins e fitoi këtë çmim për rolin e tij në filmin ”The Father”, një film ky që u komentua jashtë mase dhe mori kritika të mira që nga lansimi i parë i tij.

”The Father” flet për një plak i cili refuzon të pranojë realitetin mbi pleqërinë e tij, refuzon ndihmë edhe nga vajza e tij. Ai tenton t’i jap kuptim rrethanave të cilat ndryshojnë shumë shpesh, rrethana këto që e shpiejnë në dyshime mbi njerëzit e të afërmit e tij.

Në fjalimin e tij pasi u njoftua për marrjen e çmimit si Aktori më i Mirë, ai përmes një video falenderoi Akademinë ‘Oscars’, ku ndër të tjera theksoi se ndjehet i privilegjuar por nuk e kishte pritur këtë çmim.

Bashkangjitur gjeni videon e plotë në gjuhën angeleze.

Në fillim të këtij muaji, aktori Anthony Hopkins shkruajti historinë, ai në moshën 83-vjeçare u bë aktori më i vjetër që fiton çmim BAFTA si aktori më i mirë protagonist, falë interpretimit në filmin “The Father”. / KultPlus.com

Të fundit

Të ngjajshme