займ на карту онлайн потребительский кредит

Artistët shqiptarë mund të bëhen pjesë e Festivalit të Filmit në Berlin

8 Korrik, 2018 - 4:12 pm

Një mundësi e mirë vjen kësisoj për artistët e Kosovës dhe Shqipërisë.

Programi Berlinale Talents në kuadër të Festivalit të Filmit në Berlin ka hapur aplikimin për edicionin e radhës.

Berlinale Talents fton aktorët, kritikët e filmit, regjisorët e rinj, producentët, skenaristët dhe kinematografët të aplikojnë për të qenë pjesë e programit në fjalë.

Programi ndihmon kinematografët e rinj që të zhvillohen me anë të ligjëratave dhe një programi të ngjeshur. Rreth 100 aplikantë nga tërë bota do të udhëtojnë për në Berlin në edicionin e radhës të Berlinales, nga 9-14 shkurt të vitit tjetër, shkruan KultPlus.

Data e fundit për aplikim është 3 shtator 2018 ndërsa në këtë aplikim lejohen edhe të interesuarit nga Kosova e Shqipëria. Në të kaluarën ka pasur disa emra shqiptarë në këtë program – Berlinale Talents (Talentet e Berlinales), përfshirë Florist Bajgorën, Zgjim Terziqin, Ariel Shaban, Blerta Basholli, Dukagjin Podrimaj, Ilir Gjocaj, Visar Krusha, Fatmir Gosha, Tristan Halilaj, Iris Elezi, Florenc Papas, Gentian Koçi e artistë tjerë.

Për më shumë detaje duhet të klikoni në këtë link me të dhënat në gjuhën angleze. / KultPlus.com

Të ngjajshme