Audicion për projektin filmik “Cirku Fluturues” në regji të Fatos Berishës

Gusht 22, 2017 - 7:39 pm

Shtëpia filmike B2 bën ftesë për audicion me rastin e fillimit të pregatitjes për xhirimin e filmit artistik me metrazh të gjatë “Cirku Fluturues”, me skenar dhe regji të Fatos Berishës dhe me producente Vjosa Berishën.

Numri i personazheve: 31 mashkuj mosha prej 18 – 65 vjecar per role te ndryshme, dhe 6 femra mosha 18 – 45 vjecare per role te ndryshme.

Aktorët e interesuar duhet të dërgojnë një biografi (CV) të shkurtër, 1 foto (portret) dhe link (nese kanë) me sekuenca nga projekte tjera filmike.

Aplikimi bëhet në email adresën: info@B2agency.com si dhe në faqen e facebook https://www.facebook.com/B2agency/ më së largu deri më datën 27 gusht 2017.

Audicioni do të mbahet me datën 29-30 gusht 2017 në Teatër Kombëtar në Prishtinë nga ora 10.00h, dhe me datën 7 shtator në Teatër Kombëtar në Tiranë nga ora 10.00h. Orari I saktë do t’I dërgohet aplikuesëve me email.

Aktorët nuk duhet të kenë të pregaditur apo mësuar ndonjë tekst të caktuar. Pjesa e tekstit për lexim do t’u jepet gjatë audicionit.

Xhirimet e filmit planifikohet të fillojnë në tetor/nëntor 2017. Pjesa më e madhe e xhirimeve do të realizohen në Kosovë dhe Shqipëri, me mundësi që një pjesë e tyre të realizohen dhe në Mal të zi e Maqedoni.

Ky projekt filmik është mbështetur nga Qendra Kinematografike e Kosovës dhe Qendra Kombëtare Kinematografike e Shqipërisë.

Për më shumë kontaktoni në info@B2agency.com

Të ngjajshme