“Black Panther”, filmi më i shikuar i javës

12 Mars, 2018 - 9:06 am

Filmi “Black Panther”, filmi i parë që sjell si hero një njeri me ngjyrë, vazhdon të kryesojë si më i shikuari.

Për 4 ditë, filmi ka arritur të fitojë 41.1 milionë dollarë. Gjithsej nga data e lansimit, nga 16 shkurti, filmi ka fituar 562 milionë dollarë.

E dyta në renditjen e Box Officit është filmi me Oprah Winfrey “A Wrinkle in Time”, i cili ka arritur të fitojë këtë vikend 33.3 milionë dollarë, transmeton TV Arta.

Për herë të parë në vendin e tretë është filmi horror “The Strangers: Prey at Night”. Ky film ka mbyllur vikendin me një shumë fitimi prej 10.4 milionë dollarësh.

Filmi që e sjell aktorja e njohur Jennifer Lawrence si spiune në “Red Sparrow”, është renditur i katërti me 8.1 milionë dollarë.

Komedia “Game Night” është e fundit në top-pesëshen e filmave më të shikuar, duke grumbulluar 7.9 milionë dollarë në vikend.

Të ngjajshme