‘Blood Sisters’, seria e parë nigeriane në Netflix

8 Prill, 2022 - 4:30 pm

“Blood Sisters” titullohet seria e parë afrikane e cila do të transmetohet së shpejti në Netflix.

Kjo seri është prodhim i kompanisë nigeriane EbonyLife Studios. Regjinë e saj e bënë Biyi Bandele e Kenneth Gyang.

Netflix lansoi trailerin e saj, ku shihet një ceremoni martesore. Ngjarja zhvillohet në Lagos. Nusja e cila është lodhur nga maltretimet që i bën i fejuari i saj, aksidentalisht vret dhëndrin një natë para ditës së madhe.

Seria prek temat si: marrëdhënie brenda familjes, abuzime fizike dhe me drogë, dashuri e zotim.

Sipas përshkrimit zyrtar dedikuar serisë “Blood Sisters”, ai është si një lloj paraqitjeje e jetës në qytetin Lagos.

Studioja filmike EbonyLife, për serinë ka thënë se është triller-krim, që është një zhanër i ri për ta, kështu që gjatë realizimit kanë hasur në sfida, megjithatë çdo gjë ka përfunduar mirë. Kjo studio po ashtu ka bërë të qartë se për ta është një përvojë e veçantë, pasi që serinë e kanë xhiruar gjatë pandemisë, dhe janë munduar në maksimum që skenat të duken sa më reale. Ata janë të emocionuar që përmes Netflix do të ndajnë me botën tregimet e tyre afrikane./ KultPlus.com

Të ngjajshme