Është publikuar traileri i “At Eternity’s Gate”, filmi biografik për Vincent van Gogh, që interpretohet nga aktori Willem Dafoe.

Filmi me regji të Julian Schabel ndjek piktorin e famshëm në ditët e tij të fundit të jetës.

Pasi është shfaqur në Festivalin e Filmit të Venecias, ky film do të mund të shikohet nga audienca e gjerë duke nisur nga 16 nëntori.

Van Gogh ka qenë subjekt i disa filmave, ku spikasin “Lust for Life” (1956) me Kirk Douglas dhe “Van Gogh: Painted with Words” (2010), me Benedict Cumberbatch. /KultPlus.com