DokuFest sonte në Tiranë

25 Korrik, 2017 - 9:24 am

DokuFest sonte në Tiranë do të shfaq një përzgjedhje të filmave nga programi i pasur i këtij edicioni, shkruan KultPlus.

Duke nisur me ‘Stacion’ nga regjisori i ri Leart Rama. Ky film paraqet malet e larta të Liqenit të Fierzës, në dy anët e saj dhe në mes një anije e vogël që prish qetësinë therëse të kësaj pjese të vogël të botës.
‘The girl chewing Gum’ nga John Smith, UK. Filmi sjellë një zë komandues që shfaqet për të drejtuar veprimin në një rrugë të ngarkuar të Londrës.
‘Project X’ nga Laura Poitras & Henrik Moltke, SHBA/ USA. Projekti X shpalos punimet e brendshme të një rrokaqielli pa dritare në Manhatan.
‘Balloonfest’ me regji të Nathan Truesdell, SHBA/ USA. Klivlendi përpiqet të tejkalojë nofkën e tij, “Gabimi pranë liqenit” duke e lansuar një grumbull balonash.
‘The External World’ nga David O’Reilly, Gjermani, Irlandë. Në një botë që duket qesharake por ende shumë të zymtë, një djalë mëson të luajë në piano.
‘Best of luck with the wall’ me regji të Josh Begley, SHBA/ USA. Filmi sjell një udhëtim të animuar përgjatë kufirit SHBA-Meksiko, e qëndisur nga 200,000 imazhe satelitore.
‘Lunch time’ regjia Alireza Ghasemi, Iran. Një 16 vjeçare ka ardhur në spital për të identifikuar trupin e nënës së saj.
Këta janë filmat të cilët DokuFest, do i shpalos në kryeqytetin shqiptar sonte më 25 korrik me fillim nga ora 20:00 në Sheshin ‘Skënderbej’ në Tiranë./ KultPlus.com

Të ngjajshme