Filmi “Ajo” me regji nga More Raça ka fituar një çmim prestigjioz.

“Ajo” ka marrë çmimin special të jurisë në Festivalin Ndërkombëtar të Filmit në Kairo, i cili është festival i kategorisë A.

Në film luajnë aktorët Aurita Agushi, Sunaj Raça, Diella Valla, Florist Bajgora, Bekim Mulaj.

Filmi “Ajo” me producent Sunaj Raçën flet për dhunën në familje, guximin e një vajze të vogël për të shpëtuar vetën dhe nënën e saj.

Filmi është prodhim i shtëpisë filmike Arena i subvencionuar nga Qendra Kinematografike e Kosovës. / KultPlus.com