займ на карту онлайн потребительский кредит

Filmi i animuar kosovar “N’kornizë” shfaq premierën në Anibar

25 Qershor, 2019 - 5:00 pm

Në Festivalin e Animacionit Anibar që këtë vit organizon edicionin e tij të 10-të, do të shfaqet edhe premiera e filmit të animuar kosovar “N’Kornizë”.

Përveç që është njëri nga filmat e rrallë të animuar të prodhuar në Kosovë, veçantia e këtij filmi është realizimi me tekniken Stop-Motion Animation, pra nuk është një metodë tradicionale e animacionit të vizatimit, por është një teknik kinematografike ku aparati ndalet në mënyrë të përsëritur dhe fillon, për t’i dhënë figurave të animuara përshtypjen e lëvizjes.

Filmi “N’kornizë” i cili do të shfaqet për herë të parë gjatë Festivalit Anibarit është punuar me regji të Gëzim Ramizit, skenar nga Hana Zeqa dhe producent Rron Ismajlin, trajton historinë e një djali të ri që jeton në qytetin imagjinar të Prishtinës. Ai zotëron një dyqan të vogël ku bën korniza që njerëzit përdorin për të dekoruar kujtimet e tyre.

Festivali i Animacionit Anibar këtë edicion mbahet prej 15 deri më 21 korrik në qytetin e Pejës. Më shumë informata rreth filmave dhe programit që do të shfaqet mund ti gjeni në anibar.com.  /KultPlus.com

Të ngjajshme