Warner Bros do të nxjerrë filmin “Wonka” në 17 mars të vitit 2023, pas filmit të suksesshëm “Charlie dhe Fabrika e Çokollatave”, i cili do të fokusohet në kohën kur arkitekti i ëmbëlsirave, Willy Wonka ishte më i ri, para se të kishte perandorinë e tij të ëmbëlsirave.

Filmi ka qenë në zhvillim e sipër për rreth katër vjet dhe tani, ka edhe një emër konkret për rolin kryesor, Timothee Chalamet, transmeton KultPlus

Këtë fundjavë, aktori u dha fansave pamjen e parë të Willy Wonka-s, me kapelen klasike dhe një xhaketë kadife.

“Suspanca është e tmerrshme. Shpresoj që të zgjasë”, shkroi ai në Instagram, transmeton tutje KultPlus.

View this post on Instagram

A post shared by Timothée Chalamet (@tchalamet)

Paramount në vitin 1971 publikoi filmin orgjinal “Willy Wonka & the Chocolate Factory”, me protagonist Gene Wilder në rolin kryesor, bazuar tek novelisti Roald Dahl. Kurse në 2005-ën, Warner Bros shfaq versionin e filmit me protagonist Johnny Depp, film i cili grumbulloi rreth $475 milionë dollarë. / KultPlus.com