Kosova drejt garës për Oscars, fillon shfaqja e filmave

9 Shtator, 2017 - 4:38 pm

Qendra Kinematografike e Kosovës ende nuk ka dalë me diçka zyrtare sa i përket propozimit për filmat e metrazhit të gjatë, në kategori për çmimin për filmin më të mirë të huaj për Oscar, shkruan KultPlus.

Të drejtën e konkurrimit e kanë të gjithë filmat nga Kosova që janë shfaqur apo do të shfaqen për shtatë ditë rresht në kinematë e Kosovës, jo më larg se data 30 shtator 2017 dhe të cilët i plotësojnë kushtet e tjera të vëna nga “AcademyofMotion Picture ArtsandSciences”.

Deri më tani nuk kishte ndonjë film kosovar që ka filluar së shfaquri në kinema. Por këtë rrugëtim e ka filluar filmi “T’padashtun”, me regji të Edon Rizvanollit i cili do të shfaqet për një javë rresht në kinemanë Cineplexx në Prishtinë dhe në Dokukino në Prizren, duke na dhënë edhe një shenjë që ky film do të jetë pjesë e kësaj gare.

Një tjetër film që pritet t’i futet kësaj garë, është edhe filmi “Eho”, me regji të Dren Zherkës por që për shfaqjen e këtij filmi në kinema ende nuk ka diçka konkrete.

Pritet të shihet se cilët filma do t’i hyjnë kësaj gare dhe cili film do të përzgjidhet për të përfaqësuar Kosovën në Oscar. /KultPlus.com

Të fundit

Të ngjajshme