Më 4 qershor 1922, lindi në Shkodër aktori Ndrekë Shkjezi.

Ai ka qenë ndër bashkëthemeluesit e Teatrit të Shtetit në vitin 1947, ku edhe ka dhënë kontributin e tij në skenën e këtij teatri deri në vitet ‘80.

Rolin e tij të parë në kinematografi e pati në vitin 1953 tek filmi “Skënderbeu”. Më pas do të shfaqej në kastet e filmave më të dashur shqiptarë, sikurse janë: “Cuca e maleve”, “Prefekti”, “Një djalë dhe një vajzë”, “Radiostacioni”, “Shoku ynë Tili” etj.

Ndrekë Shkjezi u nda nga jeta në vitin 2000. Për meritat e tij artistike, është vlerësuar me Urdhrin “Naim Frashëri” dhe në vitin 1989 ka marrë titullin “Artist i Merituar”./atsh/ KultPlus.com